Music: "காதல் ஒரு கண்ணாடி..." - தேவாவின் ஒற்றை வரியில் உறைந்து போன கலைஞர்! இசை உலகை அதிரவைத்த ராஜாதி ராஜா.!

கானா பாடல்களின் சக்கரவர்த்தி தேவா, 'பெண் சிங்கம்' படப் பாடலில் காதலைப் பற்றி எழுதிய வரிகளைக் கேட்டு கலைஞர் கருணாநிதி வியந்து பாராட்டினார். 400 படங்களுக்கு மேல் இசையமைத்த தேவா இன்றும் ரசிகர்களை தன் கடவுளாக நினைக்கிறார்.

தேவாவை ரசித்த முதலமைச்சர்.!

தமிழ் திரையிசை உலகில் 'கானா' பாடல்களின் சக்கரவர்த்தியாகத் திகழ்பவர் தேனிசைத் தென்றல் தேவா. 80-களில் தொடங்கி இன்று வரை இவரது பாடல்கள் 90'ஸ் கிட்ஸ் மட்டுமல்லாது, 2K கிட்ஸையும் ஆட்டம் போட வைக்கும் ஆற்றல் கொண்டவை. தேவா அவர்களின் இசைப் பயணத்தில் பல மைல்கற்கள் இருந்தாலும், கலைஞர் கருணாநிதி அவர்களுடனான ஒரு சுவாரஸ்யமான சந்திப்பு இன்றும் பலரால் வியப்பாகப் பேசப்படுகிறது.

கலைஞரை வியக்க வைத்த வரிகள்

தேவா இசையமைத்த பல கானா பாடல்கள் ஜாலியான வரிகளைக் கொண்டிருந்தாலும், அவற்றுள் ஆழமான வாழ்வியல் தத்துவங்கள் ஒளிந்திருக்கும். 'பெண் சிங்கம்' படத்திற்காக தேவா இசையமைத்த "வித விதமா சோப்பு சீப்பு கண்ணாடி" பாடலை ஒரு முறை கலைஞர் கருணாநிதி அவர்கள் பாடச் சொல்லிக் கேட்டுள்ளார்.

அப்போது அந்தப் பாடலில் வரும்,

"எப்பவுமே காதல் ஒரு கண்ணாடி.. அதை உடைச்சிடாம பாக்குறவன் கில்லாடி"

என்ற வரிகளைக் கேட்டதும் கலைஞர் அப்படியே உறைந்து போயுள்ளார். காதலின் மென்மையை ஒரு சிறிய கண்ணாடியுடன் ஒப்பிட்டு, அதைச் சிதைக்காமல் காப்பவனே உண்மையான வெற்றியாளன் என்கிற தத்துவத்தை இவ்வளவு எளிமையாகச் சொன்ன விதத்தைக் கண்டு தேவாவிடம் கலைஞர் தனது வியப்பைப் பகிர்ந்துள்ளார். "இந்த ஸ்லாங்கை எப்படிப் பிடித்தாய்?" என்று தேவாவிடம் அவர் ஆச்சரியத்துடன் கேட்டது ஒரு வரலாற்றுத் தருணம்.

400 படங்கள்... சாதனை மேல் சாதனை!

1986-ல் அறிமுகமான தேவா, சூப்பர் ஸ்டார் ரஜினிகாந்தின் பாட்ஷா, அண்ணாமலை, அருணாச்சலம் போன்ற பிரம்மாண்ட வெற்றிப் படங்களுக்கு இசையமைத்தவர். வைகாசி பொறந்தாச்சு படத்திற்காகத் தமிழக அரசின் விருதினையும் வென்றவர். இதுவரை 400-க்கும் மேற்பட்ட படங்களுக்கு இசையமைத்துள்ள தேவா, அண்மையில் தனது  பிறந்தநாளை கொண்டாடினார்.

இசை உலகை அதிரவைத்த 'தேவா தி தேவா'

தனது பிறந்தநாளை முன்னிட்டு ரசிகர்களுக்காக 'தேவா தி தேவா' (Deva The Deva) என்ற பிரம்மாண்ட இசை நிகழ்ச்சியை சென்னையில் நடத்தினார். இந்த நிகழ்ச்சியில் மேடையேறிய தேவா, தனது காந்தக் குரலால் பழைய நினைவுகளைத் தூண்டி ரசிகர்களை உற்சாகத்தில் நனைய வைத்தார். வயதானாலும் குறையாத அந்த உற்சாகமும், துள்ளல் இசையும் ரசிகர்களுக்கு ஒரு பொக்கிஷமான அனுபவமாக அமைந்தது.கலைஞரின் பாராட்டு முதல் இன்றைய இளைஞர்களின் 'அடிக்ட்' வரை தேவாவின் இசைப் பயணம் என்றும் தமிழ் சினிமாவில் ஒரு தனிப் பாதையையே கொண்டுள்ளது.