கன்னட திரையுலகில், சூப்பர் ஸ்டார் சிவராஜ் குமார் நடிப்பில் வெளியான முஃட்டி படத்தின் தமிழ் ரீமேக்காக எடுக்கப்பட்ட 'பத்து தல' திரைப்படம் நேற்று வெளியான நிலையில், இப்படத்தின் முதல் நாள் வசூல் குறித்த தகவல் வெளியாகி உள்ளது.
ரசிகர்களின் மிகப்பெரிய எதிர்பார்ப்புக்கு மத்தியில், பிரம்மாண்டமாக வெளியான இப்படம்... தொடர்ந்து ரசிகர்கள் மத்தியில் நல்ல வரவேற்பை பெற்று வருகிறது. படத்தைப் பார்த்த ரசிகர்கள் அனைவருமே சிம்பு அதிரடி கேங் ஸ்டார் கதாபாத்திரத்தில். மிகவும் கிளாஸான நடிப்பை வெளிப்படுத்தி உள்ளதாக தெரிவித்து வந்தனர்.
இப்படி தொடர்ந்து ரசிகர்கள் மத்தியில் நல்ல வரவேற்பை பெற்று வந்த 'பத்து தல' திரைப்படம், முதல் நாள்... தமிழகத்தில் மட்டும், சுமார் ஏழு கோடிக்கு மேல் வசூலித்துள்ளதாக கூறப்படுகிறது. மேலும் அடுத்தடுத்து விடுமுறை நாட்கள் என்பதால், வசூல் அதிகரிக்கும் என நம்பிக்கை தெரிவித்துள்ளனர் திரையரங்கு உரிமையாளர்கள்.
அதேபோல் பல வருடங்களாக ஒரு வெற்றி படத்தை கொடுக்க போராடி வந்த கௌதம் கார்த்திக்கிற்கு, இப்படம் மிகப்பெரிய திருப்புமுனையாக அமைந்ததோடு... வெற்றி படமாகவும் உள்ளதாக ரசிகர்கள் தங்களின் வாழ்த்துக்களை தெரிவித்து வருகின்றனர். மேலும் இப்படத்தின் மூலம் கெளதம் கார்த்திக்கின் வித்தியாசமான நடிப்பை பார்க்க முடிந்ததாகவும் தெரிவித்து வருகின்றனர் என்பது குறிப்பிடத்தக்கது.