சிம்பு பட ஹீரோயின் சனா கானுக்கு குழந்தை பிறந்தாச்சு! குவியும் ரசிகர்கள் வாழ்த்து!

நடிகை சனா கான், ஆண் குழந்தைக்கு தாய்யானதாக கூறியுள்ள தகவலை தொடர்ந்து பலர் தங்களின் வாழ்த்துக்களை தெரிவித்து வருகிறார்கள்.  

பாலிவுட்திரையுலகின் மூலம்  நடிகை சனா கான் அறிமுகமாக இருந்தாலும், தமிழில் நடிகர் ஜீவா நடிப்பில் கடந்த 2006 ஆம் ஆண்டு வெளியான, ஈ படத்தில் கவர்ச்சி குத்தாட்டம் போட்டு ரசிகர்களின் மனதை கொள்ளை கொண்டார். இதன் பின்னர்  2008 ஆம் ஆண்டு நடிகர் சிம்பு நடிப்பில் வெளியான 'சிலம்பாட்டம்' படத்தில் இரட்டை வேடங்களில் நடித்த சிம்புவில், மகன் சிம்புவுக்கு ஜோடியாக நடித்தார். இதுவே தமிழில் ஹீரோயினாக இவர் நடித்த முதல் படமாகும்.

சிலம்பாட்டம் படம் வெற்றி பெற்றதைத் தொடர்ந்து, அடுத்தடுத்து சில தமிழ் படங்களில் ஹீரோயினாக நடிக்கும் வாய்ப்புகள் இவருக்கு கிடைத்தது. அந்த வகையில் இயக்குனர் ராதா மோகன் இயக்கத்தில் வெளியான பயணம், பரத்துக்கு ஜோடியாக தம்பிக்கு எந்த ஊரு, போன்ற படங்களில் நடித்தார். கடைசியாக தமிழில் கடந்த 2019 ஆம் ஆண்டு விஷால் நடிப்பில் வெளியான 'அயோக்கியா' படத்தில் கேமியோ ரோலில் நடித்திருந்தார்.

Sana Khan

மேலும் ஹிந்தியில் ஒளிபரப்பான பிக்பாஸ் சீசன் சிக்ஸ் நிகழ்ச்சியில் கலந்து கொண்டு இரண்டாவது வெற்றியாளராக மக்களால் தேர்ந்தெடுக்கப்பட்டார். பல்வேறு ரியாலிட்டி ஷோக்களில் கலந்து கொண்டுள்ள இவர், கடந்த 2020 ஆம் ஆண்டு முஃப்தி அனாஸ் சையத் என்பவரை திருமணம் செய்து கொண்டார். திருமணத்திற்கு பின்னர், முற்றிலும் திரையுலகில் இருந்து விலகிய சனா கான் தன்னுடைய கணவருடன் சேர்ந்து அவருடைய தொழிலையே கவனித்து வருவதாக கூறப்படுகிறது.

இந்நிலையில் கடந்த ஆண்டு தான் கர்ப்பமாக இருக்கும் தகவலை அறிவித்த அறிவித்த சனா கான், நிகழ்ச்சி ஒன்றில் கலந்து கொண்ட போது சனா கானை அவருடைய கணவர் கையை பிடித்து தர தரவென இழுத்து சென்ற வீடியோ  சமூக வலைதளத்தில் வெளியாகி வைரலானது. பின்னர் இதற்கான விளக்கத்தையும் சனா கான் கொடுத்திருந்தார்.

தற்போது கர்ப்பமாக இருந்த சனா கானுக்கு ஆண் குழந்தை பிறந்துள்ளதாக சமூக வலைதள பக்கத்தில், சனா கான் கூறியுள்ளார். மேலும் இது குறித்து அவர் போட்டுள்ள பதிவில், எங்கள் குழந்தைக்காக அல்லாஹ் எங்களை சிறந்தவர்களாக மாற்றுவாராக. உங்கள் அன்பு மற்றும் பிரார்த்தனைகளுக்கு நன்றி அல்லாஹ் உங்களுக்கு நல்லதையே செய்வாராக என தெரிவித்துள்ளார். இதைத்தொடர்ந்து சனா கானுக்கும் அவரின் கணவருக்கும் ரசிகர்கள் பலர் தங்களுடைய வாழ்த்துக்களை தெரிவித்து வருகின்றனர்.