ஜீ தமிழ் தொலைக்காட்சியில் ஒளிபரப்பாகி வரும் 'கார்த்திகை தீபம்' தொடரில் இருந்து, பிரபல நடிகை விலகிவிட்டதாக புது தகவல் ஒன்று வெளியாகியுள்ளது.
ஜீ தமிழ் தொலைக்காட்சியில் ஒளிபரப்பாகி வரும் 'கார்த்திகை தீபம்' தொடரில் இருந்து, பிரபல நடிகை விலகி விட்டதாகவும் அவருக்கு பதில் நடிக்க உள்ள நடிகை பற்றிய தகவலும் தற்போது வெளியாகியுள்ளது.
பெங்காலி தொடரான 'கிருஷ்ணா கோலி' என்கிற சீரியலின் தமிழ் ரீமேக்காக, ஜீ தமிழ் தொலைக்காட்சியில் ஒலிபரப்பாகி வருகிறது கார்த்திகை தீபம் தொடர். இந்த தொடரில் விஜய் டிவியில் ஒளிபரப்பான ஆபீஸ், ஜீ தமிழில் பிரபலமான 'செம்பருத்தி' போன்ற தொடர்களில் நடித்த நாயகன் கார்த்திக் ராஜ் இந்த தொடரில் ஹீரோவாக நடித்து வருகிறார்.
இவருக்கு ஜோடியாக ஆத்திகா என்பவர் நடித்து வருகிறார். இவர் ஏற்கனவே கார்த்திக் ராஜுடன் இணைந்து பிளாக் அண்ட் வொயிட் என்கிற திரைப்படத்தில் நடித்துள்ளார். இந்த இந்தப்படத்தை தொடர்ந்து மீண்டும் இருவரும் இந்த சீரியலில் இணைந்து நடித்து வருகின்றனர்.
தினமும் இரவு 9 மணிக்கு ஒளிபரப்பாகி வரும் இந்த தொடரில், மீரா கிருஷ்ணன், மதுமோகன், மோகன் ராமன், ரியா சௌத்ரி, ரேஷ்மா, தினேஷ் கோபாலசுவாமி, நந்திதா ஜெனிபர், விமல் குமார், போன்ற பலர் நடித்து வருகின்றனர். சமீபத்தில் தான் இந்து தொடரில் எதிர்நீச்சல் பிரபலமான விமல் குமார், ரமேஷ் என்கிற கதாபாத்திரத்தில் இணைந்த நிலையில்... தற்போது ஐஸ்வர்யா கதாபாத்திரத்தில் நடித்து வந்த சுபரக்ஷனா இந்த சீரியலில் இருந்து விலகுவதாக அறிவித்துள்ளார்.
இவர் 'கார்த்திகை தீபம்' சீரியலில் இருந்து விலகுவதற்கான காரணம் குறித்து, எந்த தகவலும் வெளியாகாத நிலையில், அவருக்கு பதிலாக சாந்தினி பிரகாஷ் நடிக்க கமிட் ஆகியுள்ளார். இவர் வானத்தைப்போல, ஈரமான ரோஜாவே 2, போன்ற ஏராளமான சீரியல்களில் வில்லி வேடத்தில் நடித்து பிரபலமானவர் என்பது குறிப்பிடத்தக்கது.
ஐஸ்வர்யாவாக நடித்து வந்த சுபரக்ஷனாவின் இந்த திடீர் முடிவு ரசிகர்களை அதிர்ச்சியில் ஆழ்த்தி இருந்தாலும், அவருக்கு பதிலாக கமிட் ஆகியுள்ள சாந்தினி பிரகாஷ் வில்லி ஐஸ்வர்யா வேடத்திற்கு சரியான தேர்வு என கூறி வருகிறார்கள். அப்படி ஒரு வில்லனாதனத்தை இவர் வெளிப்படுத்துவார் இவர்.
சேனலை கிளிக் செய்து பின்தொடரவும்