சர்ச்சைக்குரிய யூடியூபராக வலம் வருபவர் டிடிஎப் வாசன். இவர் யூடியூப் சேனலில் பைக்கில் சாகசம் செய்யும் வகையில் வீடியோ வெளியிட்டு 2கே கிட்ஸ் மத்தியில் பேமஸ் ஆனார். இதனால் இவருக்கு யூடியூபில் 30 லட்சத்துக்கும் அதிகமான சப்ஸ்கிரைபர்கள் உள்ளனர். கடந்த 2023-ம் ஆண்டு அதிவேகமாக பைக் ஓட்டி சென்று விபத்தில் சிக்கிய டிடிஎப் வாசன் சிறையில் அடைக்கப்பட்டதோடு, அவரின் ஓட்டுநர் உரிமத்தையும் ரத்து செய்து உத்தரவிடப்பட்டது. பின்னர் ஜாமினில் வெளியே வந்த வாசன் சினிமாவில் நடிக்க தொடங்கினார்.
24
TTF Vasan IPL Movie
இவர் முதன்முதலில் ஹீரோவாக நடிக்க கமிட் ஆன படம் மஞ்சள் வீரன். அப்படத்தை செல் அம் இயக்குவதாக இருந்தது. அப்படத்தின் படப்பிடிப்பு தொடங்கும் முன்னரே வாசன் ஜெயிலுக்கு சென்றதால் இயக்குனருக்கு வாசன் மீது கருத்து வேறுபாடு ஏற்பட்டது. இதனால் அவரை தன்னுடைய மஞ்சள் வீரன் படத்தில் இருந்து அதிரடியாக நீக்கினார் வாசன். மஞ்சள் வீரன் படத்தில் இருந்து நீக்கப்பட்ட வாசனுக்கு அடுத்ததாக ஐபிஎல் எனும் திரைப்படத்தில் ஹீரோவாக நடிக்க வாய்ப்பு கிடைத்தது.
அறிமுக இயக்குனர் கருணாகரன் இயக்கி உள்ள இப்படத்தின் பாடல் குறித்த ருசீகர தகவல் ஒன்று வெளியாகி உள்ளது. அதன்படி, புகழ்பெற்ற பாடகரும், இசையமைப்பாளருமான சங்கர் மகாதேவனின் மகன் சிவம் மகாதேவன் மற்றும் இயக்குனர் கருணாகரன் ஆகியோர் இணைந்து ஐபிஎல் படத்திற்காக பாடல் ஒன்றை பாடி இருக்கிறார்கள். அந்த பாடலை கேட்ட சங்கர் மகாதேவன், மிகவும் தனித்துவமான இசையுடன் இருப்பதாகவும், அந்த பாடல் வாய்ப்பு தனக்கு கிடைத்திருந்தால் தானே பாடி இருப்பேன் என்றும் இசையமைப்பாளர் விநாயக மூர்த்தியிடம் கூறினாராம்.
44
Shankar Mahadevan
TTF வாசன், குஷிதா இருவரும் ஜோடியாக நடித்துள்ள இந்த டூயட் பாடலை அந்தமான், கேரளா, பாண்டிச்சேரி போன்ற எழில்மிகு பகுதிகளில் படமாக்கி வருகிறார்களாம். ஐபிஎல் திரைப்படத்தில் கிஷோர், அபிராமி, சிங்கம்புலி, ஹரீஷ் பேரடி, ஜான் விஜய், 'ஆடுகளம்' நரேன், போஸ் வெங்கட், திலீபன் என மிகப்பெரிய நட்சத்திர பட்டாளமே நடித்துள்ளது. ஜி.ஆர். மதன் கிருஷ்ணன் தயாரிப்பில், விரைவில் வெளியாகவிருக்கும் ஐபிஎல் திரைப்படத்தின் பிண்ணனி இசை சேர்ப்பு பணி தற்போது நடைபெற்றுக் கொண்டிருக்கிறது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
