Bigg Boss Tamil : நான் கட்டாயம் ஜெயிப்பேன்; உச்சகட்ட காண்பிடண்ஸ் கொண்டு களமிறங்கும் தர்ஷிகா!

Actress Tharshika : சின்னத்திரை நாடகங்களில் வில்லியாக அறிமுகமாகி, தற்பொழுது நல்ல வரவேற்பை பெற்று வரும் நடிகை தர்ஷிகா பிக் பாஸ் நிகழ்ச்சியின் எட்டாவது சீசனில் பங்கேற்றுள்ளார்.

Actress Tharshika

அனைவரும் எதிர்பார்த்த பிக்பாஸ் நிகழ்ச்சியின் எட்டாவது சீசன் நேற்று அக்டோபர் மாதம் 6ஆம் தேதி கோலாகலமாக தொடங்கியது. உலகநாயகன் கமல்ஹாசனுக்கு பதிலாக பிரபல நடிகர் மக்கள் செல்வன் விஜய் சேதுபதி இந்த நிகழ்ச்சியை தொகுத்து வழங்க உள்ளார். முதல் நாளிலேயே 18 போட்டியாளர்களிடமும் தன்னுடைய எதார்த்தமான பேச்சால் பெரும் வரவேற்பை அவர் பெற்றிருக்கிறார் என்றே கூறலாம். நிச்சயம் நடுவராக இந்த பிக் பாஸ் நிகழ்ச்சியில் ஒரு மிகப்பெரிய இடத்தை மக்கள் செல்வன் விஜய் சேதுபதி பெறுவார் என்று எதிர்பார்க்கப்படுகிறது.

Anchor Deepak

மகாராஜா திரைப்படத்தில் அவரோடு இணைந்து மகளாக நடித்த நடிகை சஞ்சனா இந்த முறை பிக் பாஸ் நிகழ்ச்சியில் ஒரு போட்டியாளராக பங்கேற்றிருக்கிறார். அது மட்டுமல்லாமல் விஜய் டிவியின் மூத்த தொகுப்பாளராக பயணித்து வரும் தொகுப்பாளர் தீபக் இந்த நிகழ்ச்சியில் ஒரு போட்டியாளராக பங்கேற்றிருக்கிறார். இப்படி மிக இளமையான வயது தொடங்கி, மிக மூத்த நடிகர்கள் வரை பல பரிமாணங்களில் இந்த முறை பிக் பாஸ் நிகழ்ச்சியில் போட்டியாளர்கள் பங்கேற்க உள்ளது குறிப்பிடத்தக்கது.

VJS Bigg Boss

அது மட்டும் அல்லாமல் இந்த பிக் பாஸ் நிகழ்ச்சியின் எட்டாவது சீசனில் விஜய் டிவியை சேர்ந்த மா.கா.பா ஆனந்த், ரோபோ சங்கர் மாற்று TSK உள்ளிட்ட பல நடிகர்கள் பங்கேற்க உள்ளதாக சில தகவல்கள் தொடர்ச்சியாக வெளியாகி வந்தது. ஆனால் இப்பொழுது 18 போட்டியாளர்களும் அறிவிக்கப்பட்டுள்ள நிலையில், அந்த நடிகர்கள் குறித்து வெளியான தகவல்கள் வெறும் வதந்தி என்று இப்போது தெரியவந்திருக்கிறது. அதுமட்டுமல்ல, கடந்த சில சீசன்களாகவே சர்ச்சை நடிகர் பப்லூவின் பெயர் அடிபட்டுக்கொண்டே இருக்கின்றது, ஆனால் அவர் பங்கேற்றப்பாடில்லை.

Actress Tharshika

பழைய முகங்களும் புதிய முகங்களுமாய் 18 பேர் இந்த பிக் பாஸ் நிகழ்ச்சியின் எட்டாவது சீசனில் பங்கேற்க உள்ள நிலையில் சின்ன திரையில் வில்லியாக அறிமுகமாகி இப்பொழுது மெல்ல மெல்ல நல்ல பல கதாபாத்திரங்கள் ஏற்று நடித்து வரும் நடிகை தர்ஷிகா ஒரு போட்டியாளராக இணைந்துள்ளார். தன்னுடைய வாழ்க்கையில் எப்போதுமே இரண்டாம் கட்ட நடிகையாகவே இருந்து வந்த அவருக்கு அதில் இருந்து ஒரு உயர்வு வரவேண்டும் என்பதற்காகவே இந்த நிகழ்ச்சியில் பங்கேற்பதாக கூறியுள்ளார் அவர்.