Munish raja : நடிகர் ராஜ்கிரணின் மகளை திருமணம் செய்துகொண்ட சீரியல் நடிகர் முனீஸ் ராஜா, தற்போது தன் காதல் மனைவிக்காக ரூ.50 லட்சத்தில் வீடுகட்டி வருவதாக தெரிவித்துள்ளார்.
நாதஸ்வரம் சீரியலில் நடித்து பிரபலமானவர் முனீஸ்ராஜா. இவர் ஒரு சில படங்களிலும் காமெடியனாக நடித்து வருகிறார். இவர் கடந்த சில தினங்களுக்கு முன்னர் நடிகர் ராஜ்கிரணின் மகளான ஜீனத் பிரியா என்பவரை காதலித்து திருமணம் செய்துகொண்டார். இவர்கள் இருவருக்கும் பேஸ்புக் மூலம் பழக்கம் ஏற்பட்டு, அது காதலாக மாறி உள்ளது.
மகளின் திருமண செய்தி குறித்து அறிந்த நடிகர் ராஜ்கிரண், அதுபற்றி பரபரப்பு அறிக்கை ஒன்றை வெளியிட்டார். அதில் தனக்கு நைனார் முகம்மது என்கிற மகன் மட்டுமே இருப்பதாகவும், அவரைத்தவிர வேறு எதுவும் பிள்ளைகள் இல்லை என்றும் குறிப்பிட்டிருந்தார். ஜீனத் பிரியா தனக்கு பிறந்த மகள் இல்லை என்றும், அவர் தனது வளர்ப்பு மகள் என்றும் கூறினார். இனி அவருக்கும் எனது குடும்பத்துக்கும் எந்தவித சம்பந்தமும் இல்லை என அதில் குறிப்பிட்டிருந்தார்.
இதையும் படியுங்கள்... எனக்கு அந்த பெண் மகளே இல்லை! அவன் மகா மட்டமானவன்.. பல வருட ரகசியத்தை உடைத்த ராஜ்கிரண்! வெளியான பகீர் அறிக்கை!
அதுமட்டுமின்றி ஜீனத் பிரியா திருமணம் செய்துகொண்ட முனீஸ் ராஜா, மகா மட்டமான புத்தி கொண்டவர், அவர் பணத்துக்காக எதையும் செய்யும் ஈனத்தனம் கொண்டவர் எனவும் சாடிய ராஜ்கிரண், சினிமாவில் தனக்கு இருக்கும் நல்ல பெயரை பயன்படுத்தி வாய்ப்பு தேடுவதற்காகவே அவர் இவ்வாறு செய்து உள்ளதாக அந்த அறிக்கையில் அடுக்கடுக்கான குற்றச்சாட்டுகளையும் முன்வைத்திருந்தார்.
இதற்கெல்லாம் பதிலடி கொடுக்கும் விதமாக முனீஸ் ராஜா தற்போது வெளியிட்டுள்ள வீடியோவில், தனது காதல் மனைவி ஜீனத்திற்கு புதிதாக பிசினஸ் ஒன்றை வைத்துக்கொடுக்க உள்ளதாகவும், அதுமட்டுமின்றி தனது சொந்த ஊரில் தன்னுடைய மனைவிக்காக ரூ.50 லட்சத்தில் வீடு ஒன்றை கட்டி வருவதாகவும், இதன் கிரஹப்பிரவேசத்திற்கு சொந்த பந்தங்களை அழைத்து அவர்களின் ஆசியைப் பெற உள்ளதாகவும் கூறி இருக்கிறார்.
இதையும் படியுங்கள்... ஆனந்தமாக இருப்பதற்கு அறிவாக இருக்கத் தேவையில்ல... மனங்களைக் கவர்ந்த நீயா? நானா? ஜோடி