தொழிலதிபரான லெஜண்ட் சரவணன், நடிப்பின் மீது கொண்ட ஆர்வம் காரணமாக விளம்பரப் படங்களில் நடித்தார். அதில் அவர் நடனமாடியதை நெட்டிசன்கள் ட்ரோல் செய்தாலும், தமன்னா, ஹன்சிகா போன்ற நடிகைகளுடன் தொடர்ந்து ஆட்டம்போட்டு அசர வைத்தார் சரவணன். தற்போது அவர் சினிமாவில் ஹீரோவாக களமிறங்கி உள்ளார்.
அதன்படி அவர் நடிக்கும் முதல் படத்துக்கு லெஜண்ட் என பெயரிடப்பட்டு உள்ளது. இப்படத்தை இரட்டை இயக்குனர்களான ஜேடி மற்றும் ஜெர்ரி இயக்கி உள்ளனர். இவர் ஏற்கனவே அஜித்தின் உல்லாசம், ஷெரின் நடித்த விசில் போன்ற படங்களை இயக்கி உள்ளனர். இப்படத்தில் சரவணனுக்கு ஜோடியாக பாலிவுட் நடிகை ஊர்வசி ரவ்துலா நடித்துள்ளார்.
மேலும் இதில் ரோபோ சங்கர், பிரபு, யோகிபாபு, விவேக் ஆகியோர் முக்கிய கதாபாத்திரத்தில் நடித்துள்ளனர். ஹாரிஸ் ஜெயராஜ் இசையமைத்துள்ள இப்படத்திற்கு வேல்ராஜ் ஒளிப்பதிவு செய்துள்ளார். இப்படத்தின் படப்பிடிப்பு இறுதிக்கட்டத்தை எட்டி உள்ளது. சமீபத்தில் வெளியான இப்படத்தின் பர்ஸ்ட் லுக் போஸ்டர் மற்றும் பாடல் ஆகியவை வைரல் ஆகின.