Nikhila vimal : பாதுகாக்க வேண்டுமென்றால் அனைத்து விலங்குகளையும் தான் பாதுகாக்க வேண்டும். வெட்டக்கூடாது என்றால் எதையும் வெட்டக்கூடாது என நடிகை நிகிலா விமல் தெரிவித்துள்ளார்.
வசந்த மணி இயக்கத்தில் கடந்த 2016-ம் ஆண்டு வெளியான வெற்றிவேல் படத்தில் சசிகுமாருக்கு ஜோடியாக நடித்ததன் மூலம் தமிழ் திரையுலகில் ஹீரோயினாக அறிமுகமானவர் நிகிலா விமல். இதையடுத்து கிடாரி, கார்த்திக்கு ஜோடியாக தம்பி, சிபி சத்யராஜ் நடிப்பில் அண்மையில் வெளியான ரங்கா போன்ற படங்களிலும் நடித்துள்ளார். இதுதவிர மலையாளத்திலும் முன்னணி நடிகர்களின் படங்களில் நடித்து வருகிறார்.
இந்நிலையில், நடிகை நிகிலா விமல், மாட்டிறைச்சி விவகாரம் குறித்து தெரிவித்துள்ள கருத்து சமூக வலைதளங்களில் வைரலாக பரவி வருகிறது. மாட்டை வெட்டக்கூடாதா? இல்லையா? என்கிற விதிமுறையெல்லாம் நம்மூரில் இல்லை. மாட்டை வெட்டக்கூடாது என்கிற பேச்சு இப்போதுதான் அதிகளவில் எழத் தொடங்கி உள்ளது.
அப்படி பாதுகாக்க வேண்டுமென்றால் அனைத்து விலங்குகளையும் தான் பாதுகாக்க வேண்டும். வெட்டக்கூடாது என்றால் எதையும் வெட்டக்கூடாது. கோழி, மீனையெல்லாம் சாப்பிடும் போது மாட்டிறைச்சியை சாப்பிடக்கூடாதா? கோழிக்கு ஒரு நியாயம்... மாட்டுக்கு ஒரு நியாயமா? மாற வேண்டும் என்றால் அனைத்தையும் தவிர்த்துவிட்டு முழு சைவமாக மாற வேண்டும்.
மாட்டுக்கு மட்டும் சலுகை வழங்கக்கூடாது. சாப்பிடலாம் என்றால் அனைத்தையும் சாப்பிடலாம், இல்லையென்றால் எதையும் சாப்பிடக்கூடாது” என நடிகை நிகிலா விமல் காட்டமாக தெரிவித்துள்ளார். மாட்டிறைச்சி விவகாரம் குறித்து அவர் தெரிவித்துள்ள இந்த கருத்து சமூக வலைதளங்களில் வைரலாக பரவி வருகிறது.
இதையும் படியுங்கள்... Chethana Raj Death : பிளாஸ்டிக் சர்ஜரி செய்த 21 வயது சீரியல் நடிகை மரணம்.. அழகுக்காக உயிரை பறிகொடுத்த பரிதாபம்