அடுத்த அதிரடிக்கு தயாரான சிவகார்த்திகேயன்...எஸ்.கே நெக்ஸ்ட் எப்ப ரிலீஸ் தெரியுமா?
First Published May 17, 2022, 8:19 PM ISTசிவகார்த்திகேயன் தற்போது நடித்து வரும் எஸ்.கே 20 படத்தின் ரிலீஸ் குறித்த அப்டேட் தற்போது வெளியாகியுள்ளது.
சிவகார்த்திகேயன் தற்போது நடித்து வரும் எஸ்.கே 20 படத்தின் ரிலீஸ் குறித்த அப்டேட் தற்போது வெளியாகியுள்ளது.
சிபி சக்ரவர்த்தி இயக்கத்தில் சிவகார்த்திகேயன் நடிப்பில் வெளியாகி உள்ள படம் டான். இப்படத்தில், சிவகார்த்திகேயனுக்கு ஜோடியாக பிரியங்கா மோகன் நடிக்கிறார். இவர்களுடன் சிவாங்கி, மிர்ச்சி விஜய், முனீஸ்காந்த், எஸ்.ஜே.சூர்யா, சமுத்திரக்கனி பால சரவணன், உள்ளிட்ட மிகப்பெரிய நட்சத்திர பட்டாளமே நடித்துள்ள இந்த படத்தை சிவகார்த்திகேயனின் எஸ்.கே.புரடக்ஷன்ஸ் நிறுவனமும், லைகா நிறுவனமும் இணைந்து தயாரித்திருந்தது. தமிழகம் முழுவதும் உதயநிதியின் ரெட் ஜெயண்ட் மூவிஸ் நிறுவனம் வெளியிட்டுள்ளது.
கல்லூரி மாணவனாக நடித்துள்ள சிவகார்த்திகேயன் நடித்துள்ள இந்த படத்தில் அனிரூத் இசையமைப்பில் முன்னதாக வெளியான 3 பாடல்கள் வரவேற்பை பெற்றது. கலவையான விமர்சங்களை பெற்று தந்தாலும் ரசிகர்கள் மத்தியில் பெரும் வரவேற்பைப் பெற்றுள்ளது.கடந்த 13-ம் தேதி வெளியான இந்த படத்தின் வசூல் குறித்த விவரம் வெளியாகியுள்ளது. இந்த படம் முதல் நாளில் ரூ.9+ கோடி, இரண்டாம் நாள் முடிவில் 20 கோடி,உலகம் முழுவதும் ரூ.35 கோடியை வசூலித்துள்ளது.
டான் படத்தோடு சேர்த்து அயலான், சிங்கப்பாதை, எஸ்.கே 20 போன்ற படங்கள் கமிட் ஆகியுள்ளார் சிவகார்த்திகேயன். இதில் எஸ்.கே 20 படத்தை ‘ஜாதி ரத்னலு’ இயக்கிய டோலிவுட் இயக்குனர் அனுதீப் இயக்குகிறார். எஸ்.கே.20 படம் ஒரே நேரத்தில் தமிழ் மற்றும் தெலுங்கு ஆகிய இரு மொழிகளில் தயாராகி வருகிறது. இப்படத்தில் நடிகர் சத்யராஜும் முக்கிய கதாபாத்திரத்தில் நடிக்கிறார்.
இப்படத்தில் நாயகியாக உக்ரைன் நாட்டை சேர்ந்த மரியா ரபோஷப்கா நடித்துள்ளார். கடந்த ஜனவரி மாதம் துவங்கிய இப்படத்தின் படப்பிடிப்பு தற்போது முடிவடைந்துள்ளதாக தகவல் வெளியாகியுள்ளது. இந்நிலையில் இந்த படம் வெளியாகும் தேதி குறித்த தகவல் கசிந்துள்ளது. அதாவது இந்த படம் வருகிற ஆகஸ்ட் 12ஆம் தேதி வெளியாகும் என்று தகவல் தெரிவிக்கின்றனர்.