தொழிலதிபரான லெஜண்ட் சரவணன் நடிப்பின் மீது கொண்ட ஆர்வத்தால் முதலில் தனது கடை விளம்பரங்களில் தமன்னா, ஹன்சிகா போன்ற முன்னணி நடிகைகளுடன் சேர்ந்து நடித்து பாப்புலர் ஆனார். விளம்பரங்களுக்கு கிடைத்த வரவேற்பை அடுத்து அவர் சினிமாவிலும் ஹீரோவாக எண்ட்ரி கொடுத்தார். அவர் ஹீரோவாக நடித்த முதல் படம் தி லெஜண்ட்.
ஜேடி மற்றும் ஜெர்ரி ஆகியோர் இணைந்து இயக்கிய இப்படத்தில் சயிண்டிஸ்டாக நடித்திருந்தார் சரவணன். இப்படத்தில் அவருக்கு ஜோடியாக பாலிவுட் நடிகை ஊர்வசி ரவ்துலாவும், வில்லனாக சுமனும் நடித்திருந்தார். இதுதவிர பிரபு, விஜயகுமார், யோகிபாபு, விவேக், ரோபோ சங்கர் என மிகப்பெரிய நட்சத்திர பட்டாளமே இப்படத்தில் நடித்திருந்தது.
மிகுந்த எதிர்பார்ப்புக்கு மத்தியில் வெளியான தி லெஜண்ட் திரைப்படம் வசூலில் பல்வேறு சாதனைகளை படைத்தது. தற்போது கார்த்தியின் விருமன் படம் இன்று ரிலீசானதால் பெரும்பாலான தியேட்டர்களில் இருந்து லெஜண்ட் படம் தூக்கப்பட்டு உள்ளது. இதனால் அப்படத்தின் வசூல் வேட்டையும் முடிவுக்கு வந்துள்ளது.