கே.ஜி.எஃப் தந்த மவுசு... தனுஷுக்கு வில்லனாக நடிக்க சஞ்சய் தத் கேட்ட சம்பளத்தால் ஆடிப்போன படக்குழு

சேகர் கம்முலா இயக்கத்தில் உருவாக உள்ள வரலாற்று கதையம்சம் கொண்ட படத்தில் தனுஷுக்கு வில்லனாக நடிக்க சஞ்சய் தத் கமிட் ஆகி உள்ளதாக தகவல் வெளியாகி உள்ளது. 

நடிகர் தனுஷ் தற்போது கோலிவுட், டோலிவுட் என பிசியாக நடித்து வருகிறார். தமிழில் இவர் நடிப்பில் தற்போது கேப்டன் மில்லர் திரைப்படம் தயாராகி உள்ளது. ராக்கி, சாணிக் காயிதம் போன்ற படங்களை இயக்கிய அருண் மாதேஸ்வரன் தான் கேப்டன் மில்லர் படத்தையும் இயக்கி வருகிறார். இப்படத்தில் தனுஷுக்கு ஜோடியாக பிரியங்கா மோகன் நடிக்கிறார். இப்படத்தின் ஷூட்டிங் விறுவிறுப்பாக நடைபெற்று வருகிறது.

இதே போல் தெலுங்கிலும் மூன்று படங்களை கைவசம் வைத்துள்ளார் தனுஷ். அதில் வெங்கி அட்லூரி இயக்கத்தில் அவர் நடித்துள்ள வாத்தி திரைப்படம் ஷூட்டின் முடிந்து ரிலீசுக்கு தயாராக உள்ளது. இப்படத்தில் தனுஷுக்கு ஜோடியாக சம்யுக்தா மேனன் நடித்திருக்கிறார். இப்படம் அடுத்தாண்டு பிப்ரவரி மாதம் 17-ந் தேதி ரிலீசாக உள்ளது.

இதையும் படியுங்கள்... ஜெய்யுடன் லிவிங்-டூ கெதர் வாழ்க்கையால் சினிமா வாழ்க்கை பாழானதா? அஞ்சலி ஓப்பன் டாக்..!

இதையடுத்து சேகர் கம்முலா இயக்கத்தில் உருவாக உள்ள வரலாற்று கதையம்சம் கொண்ட படத்தில் நாயகனாக நடிக்க உள்ளார் தனுஷ். இப்படத்தின் பூஜையும் சமீபத்தில் ஐதராபாத்தில் போடப்பட்டது. இதில் தனுஷுடன் நடிக்கும் நடிகர், நடிகைகள் தேர்வு தற்போது மும்முரமாக நடைபெற்று வருகிறது. குறிப்பாக இதில் வில்லனாக நடிக்கும் நடிகர் குறித்த அப்டேட் வெளியாகி உள்ளது.

அதன்படி, பாலிவுட் நடிகர் சஞ்சய் தத் தான் இப்படத்தில் வில்லனாக நடிக்க கமிட் ஆகி உள்ளதாக தகவல் வெளியாகி உள்ளது. இப்படத்தில் நடிக்க அவர் ரூ.10 கோடி சம்பளமாக கேட்டுள்ளதாக கூறப்படுகிறது. கே.ஜி.எஃப் 2 படத்தில் வில்லனாக நடித்தபின் வில்லன் வேடங்கள் குவிந்து வருவதால் சம்பளத்தையும் உயர்த்தி விட்டாராம் சஞ்சய்.

இதையும் படியுங்கள்... வாவ்...சீரியல் நடிகை நீலிமாவின் குழந்தைகளா இது? செம்ம கியூட்... அசர வைக்கும் போட்டோஸ்!