சாகுந்தலம் படத்தின் தோல்வியால் கடும் அப்செட் ஆன சமந்தா... கோபத்தில் இப்படி ஒரு முடிவு எடுத்துள்ளாரா..!

சாகுந்தலம் படம் பாக்ஸ் ஆபிஸில் படு தோல்வியை சந்தித்து வருவதால் கடும் அப்செட் ஆன நடிகை சமந்தா, முக்கிய முடிவு ஒன்றை எடுத்துள்ளதாக தகவல் வெளியாகி உள்ளது.

தமிழ், தெலுங்கில் முன்னணி நடிகையாக வலம் வருபவர் சமந்தா. இவர் ராஜ் மற்றும் டிகே இயக்கத்தில் வெளியான பேமிலிமேன் என்கிற வெப் தொடரில் நடித்த பின்னர் பான் இந்தியா நடிகையாகவும் உயர்ந்து விட்டார். தற்போது நடிகை சமந்தாவுக்கு பாலிவுட்டில் பட வாய்ப்புகள் குவிந்த வண்ணம் உள்ளன. அதேபோல் தெலுங்கிலும் குஷி என்கிற பான் இந்தியன் படத்தில் நடித்து வருகிறார். இப்படத்தில் விஜய் தேவரகொண்டாவுக்கு ஜோடியாக நடிக்கிறார் சமந்தா.

இதனிடையே நடிகை சமந்தா நடித்த சரித்திர படமான சாகுந்தலம் கடந்த வாரம் திரையரங்குகளில் ரிலீஸ் ஆனது. இப்படத்தின் மீது பெரும் நம்பிக்கை வைத்திருந்த நடிகை சமந்தா, இப்படத்துக்காக இந்தியா முழுவதும் சுற்றுப்பயணம் மேற்கொண்டு தீவிரமாக புரமோஷனும் செய்தார். இதனாலேயே இப்படத்தின் மீதான எதிர்பார்ப்பு நாளுக்கு நாள் அதிகரித்து வந்தது. பெரும் எதிர்பார்ப்புக்கு மத்தியில் கடந்த வாரம் திரையரங்குகளில் ரிலீசான இப்படம் நெகடிவ் விமர்சனங்களை பெற்றதால் பாக்ஸ் ஆபிஸிலும் பயங்கர அடி வாங்கியது.

இதையும் படியுங்கள்... தலைநகரத்தில் சோழர் படை...! விமானத்தின் முன் பொன்னியின் செல்வன் டீம் நடத்திய மாஸ் போட்டோஷூட் இதோ

சுமார் 40 கோடிக்கு மேல் பட்ஜெட்டில் எடுக்கப்பட்ட இப்படத்திற்கு முதல் நாளில் ரூ.4 கோடி வசூல் தான் கிடைத்தது. இதையடுத்து நாளுக்கு நாள் இப்படத்தின் வசூல் அதளபாதாளத்தில் சென்றது. நேற்றைய தினம் இப்படம் வெறும் ரூ.60 லட்சம் மட்டுமே வசூலித்து இருந்ததாம். இதனால் சாகுந்தலம் திரைப்படம் சமந்தாவின் கெரியரில் படு தோல்விப் படமாக அமையும் என்றும் டோலிவுட் வட்டாரத்தில் பேச்சு அடிபடுகிறது.

சாகுந்தலம் படத்தின் ரிசல்ட் எதிர்பார்த்த அளவுக்கு இல்லாததால் நடிகை சமந்தாவும் கடும் அப்செட்டில் உள்ளாராம். சாகுந்தலம் படம் இப்படி ஆகிவிட்டதே என தொடர்ந்து பலரும் போன் செய்து பேசி வருவதால், நடிகை சமந்தா கோபத்தில் போனையே சுவிட் ஆஃப் செய்துவிட்டதாகவும் கூறப்படுகிறது. இதனால் அவரை யாரும் தொடர்புகொள்ள முடியவில்லை எனவும் டோலிவுட் வட்டாரத்தில் தகவல் பரவி வருகிறது.

இதையும் படியுங்கள்...   இன்னும் கல்யாணமே ஆகல... அதற்குள் கர்ப்பமாக இருப்பதாக அறிவித்த இலியானா - ‘எப்புட்ரா’ என ஷாக் ஆன ரசிகர்கள்