நடிகை சமந்தா கதையின் நாயகியாக நடித்துள்ள படம் யசோதா. ஹரி மற்றும் ஹரீஷ் ஆகியோர் இணைந்து இயக்கியுள்ள இப்படத்தில் அவர் வாடகைத்தாய் கதாபாத்திரத்தில் நடித்திருக்கிறார். சர்ச்சைக்குரிய கதையம்சம் கொண்ட இப்படத்தில் சமந்தாவுடன் நடிகை வரலட்சுமி சரத்குமாரும் முக்கிய கதாபாத்திரத்தில் நடித்துள்ளார்.
அரியவகை நோய் பாதிப்பால் அவதிப்பட்டு வந்த நடிகை சமந்தாவுக்கு இப்படத்தின் வெற்றி புத்துணர்ச்சியை கொடுத்துள்ளது. ரிலீஸ் ஆனது முதல் அமோக வரவேற்பு பெற்று வரும் இப்படம் பாக்ஸ் ஆபிஸிலும் வசூலை வாரிக் குவித்து வருகிறது. இந்நிலையில் யசோதா படத்தின் மூன்று நாள் வசூல் நிலவரம் வெளியாகி உள்ளது.
அதன்படி இப்படம் முதல் மூன்று நாளில் ரூ 20 கோடிக்கு மேல் வசூலித்துள்ளதாக படக்குழு அதிகாரப்பூர்வமாக அறிவித்துள்ளது. கடந்த நவம்பர் 4-ந் தேதி பிரதீப் ரங்கநாதன் இயக்கத்தில் வெளியான லவ் டுடே திரைப்படம் பாக்ஸ் ஆபிஸில் பட்டைய கிளப்பி வந்த நிலையில் தற்போது யசோதா படமும் அப்படத்திற்கு போட்டியாக வசூலை வாரிக் குவித்து வருகிறது. இதனால் இந்த இரு படங்களுக்கும் இடையே பாக்ஸ் ஆபிஸில் கடும் போட்டி நிலவி வருகிறது.
இதையும் படியுங்கள்... தளபதி 67-ல் இருந்து இயக்குனர் திடீரென வெளியேறியதால் விஜய் ரசிகர்கள் அதிர்ச்சி