சமந்தாவின் அழகெல்லாம் போய்விட்டதாகவும், இதற்காக வருத்தப்படுவதாகவும் நெட்டிசன் ஒருவர் போட்ட பதிவுக்கு கடும் எதிர்ப்புகள் கிளம்பிய நிலையில், அதற்கு சமந்தாவே பதிலடி கொடுத்துள்ளார்.
நடிகை சமந்தா மயோசிடிஸ் என்கிற அரியவகை நோயால் பாதிக்கப்பட்டுள்ளார். இதன்காரணமாக கடந்த நான்கு மாதங்களாக படப்பிடிப்புகள் எதிலும் கலந்துகொள்ளாமல் சிகிச்சை எடுத்து வந்தார். தற்போது அந்த நோய் பாதிப்பு குறைந்துள்ளதை அடுத்து படிப்படியாக படப்பிடிப்புகளில் பங்கேற்க ஆரம்பித்துள்ளார். நேற்று ஐதராபாத்தில் நடந்த சாகுந்தாலம் படத்தின் டிரைலர் வெளியீட்டு விழாவில் பங்கேற்றார் சமந்தா.
மயோசிடிஸ் நோய் பாதிப்புக்கு பின் அவர் பங்கேற்ற முதல் பட நிகழ்ச்சி இதுவாகும். இதனால் இந்த விழாவில் பேசும்போதும் சற்று எமோஷனல் ஆன சமந்தா கண்ணீர்விட்டு அழுதது அவரது ரசிகர்களை சோகத்தில் ஆழ்த்தியது. அதுமட்டுமின்றி எவ்வளவு கஷ்டங்கள் வந்தாலும், சினிமா மீதான காதலை மட்டும் தான் இழக்கவில்லை என்றும் அந்த நிகழ்ச்சியில் சமந்தா பேசியிருந்தார்.
இதையும் படியுங்கள்... மயோசிட்டிஸ் பிரச்சனையால் சமந்தாவிடம் ஏற்பட்ட திடீர் மாற்றம்! படவிழாவிற்கு கையில் ஜெபமாலையுடன் வந்த புகைப்படங்க
இதனிடையே சமந்தா நேற்று சாகுந்தலம் படத்தின் டிரைலர் வெளியீட்டு விழாவில் கலந்துகொண்ட புகைப்படங்களை பகிர்ந்த நெட்டிசன் ஒருவர், சமந்தாவின் அழகெல்லாம் போய்விட்டது. இதற்காக வருத்தப்படுவதாக பதிவிட்டு இருந்தார். சமந்தா நோய் பாதிப்பால் அவதிப்பட்டு வரும் இந்த வேளையில் நெட்டிசன் போட்ட இந்த பதிவுக்கு கடும் எதிர்ப்புகள் கிளம்பின.
இந்த பதிவை பார்த்த சமந்தா, அதற்கு தரமான பதிலடி கொடுத்துள்ளார். இதுகுறித்து அவர் டுவிட்டரில் பதிவிட்டுள்ளதாவது : “மாதக்கணக்கான சிகிச்சையும், மருந்துகளும் எடுத்துக்கொள்ளும் நிலை என்னைப்போல் உங்களுக்கும் வந்துவிடக்கூடாது என நான் வேண்டிக்கொள்கிறேன். உங்கள் அழகு பிரகாசமாக என்னிடமிருந்து அன்பைத் தருகிறேன்” என பதிவிட்டுள்ளார். சமந்தாவின் இந்த Thug Life பதிலுக்கு லைக்குகள் குவிந்து வருகின்றன.
இதையும் படியுங்கள்... விஜய் முதல் யோகிபாபு வரை... வாரிசு படத்தில் நடித்த பிரபலங்கள் வாங்கிய சம்பளம் எவ்வளவு? முழு விவரம் இதோ