விஜய் நடித்துள்ள வாரிசு திரைப்படம் வருகிற பொங்கல் பண்டிகைக்கு திரையரங்குகளில் ரிலீசாக உள்ளது. வம்சி இயக்கியுள்ள இப்படத்தில் விஜய்யுடன் ராஷ்மிகா, பிரபு, எஸ்.ஜே.சூர்யா, குஷ்பு, ஷியாம், சங்கீதா, சம்யுக்தா, தெலுங்கு நடிகர் ஸ்ரீகாந்த் என மிகப்பெரிய நட்சத்திர பட்டாளமே நடித்துள்ளனர். டோலிவுட்டில் முன்னணி தயாரிப்பாளராக இருக்கும் தில் ராஜு தான் இப்படத்தை தயாரித்துள்ளார்.
இந்நிலையில், வாரிசு படத்தின் ரிலீசுக்கு முன்பே அப்படத்தை தெலுங்கு நடிகர் சிரஞ்சீவியின் மகனான ராம்சரணுக்கு போட்டுக்காட்டி உள்ளாராம் தயாரிப்பாளர் தில் ராஜு. சமீபத்தில் ஆர்.சி.15 பட வேலையாக சென்னை வந்திருந்த ராம்சரண் வாரிசு படத்தை பார்த்திருக்கிறார். படத்தை பார்த்த ராம்சரணுக்கு படம் மிகவும் பிடித்துப் போனதாம். இதையடுத்து நடிகர் விஜய்க்கு உடனடியாக போன் செய்து படம் சூப்பராக இருப்பதாக பாராட்டி இருக்கிறார்.