நடிகை ராஷ்மிகா மந்தனா ஏற்கனவே, தமிழில் நடிகர் கார்த்திக்கு ஜோடியாக 'சுல்தான்' படத்தில் நடித்துள்ள நிலையில், தற்போது இவர் அடுத்ததாக எந்த முன்னணி ஹீரோவுக்கு ஜோடி சேர்கிறார் என்பது குறித்த தகவல் வெளியாகியுள்ளது.
தமிழில் ராசி இல்லாத நடிகைகள் என ஒதுக்கப்பட்ட, ராகுல் ப்ரீத் சிங், ரெஜினா, மற்றும் பூஜா ஹேக்டே போன்ற நடிகைகள் தெலுங்கு திரையுலகில் தங்களுடைய திறமையை வெளிப்படுத்தி, வெற்றிப்பட நாயகியாக மின்னினர்.
பின்னர் மீண்டும் இந்த நடிகைகளுக்கு தமிழ் திரையுலகினர் அழைப்பு விடுத்தபோது, பெரிய நடிகர்களுக்கு ஜோடியாக நடித்து தமிழிலும் அடுத்தடுத்து பல படங்களில் கமிட் ஆகி வருகிறார்கள். அந்த வகையில் பார்த்தல், தமிழில் தெலுங்கு நடிகைகளின் ஆதிக்கம் சற்று கூடி உள்ளது என்றே கூறலாம்.
அந்த வகையில் தெலுங்கில் விஜய் தேவாரகொண்டாவுக்கு ஜோடியாக 'கீதா கோவிந்தம்' படத்தில் நடித்ததன் மூலம் தமிழ் ரசிகர்களையும் கவர்ந்தவர் ரஷ்மிகா.
தற்போது பாலிவுட் திரையுலகிலும் பிசியாக நடித்து வருகிறார். எனவே இவரை கமிட் செய்ய தமிழ், தெலுங்கு, திரையுலகினர் போட்டி போட்டு வருவதாகவும் செய்திகள் வெளியானது.
அதே நேரத்தில் தமிழில் கார்த்தியை தொடர்ந்து யாருக்கு ஜோடியாக ராஷ்மிகா நடிப்பார் என்கிற எதிர்பார்ப்பும் நிலவிய நிலையில், சிவகார்த்திகேயன் அடுத்ததாக நடிக்கும் படத்தில், அவருக்கு ஜோடியாக நடிக்க உள்ளதாக தகவல் வெளியாகியள்ளது.
தமிழ், தெலுங்கு ஆகிய இரண்டு மொழிகளில் உருவாக இந்த படத்தை பிரபல தெலுங்கு இயக்குனர் அனுதீப் இயக்கவுள்ளார். இது ஏற்கனவே தெலுங்கில் வெளியான 'ஜாதி ரத்னலு'என்ற சூப்பர் ஹிட் படத்தை இயக்கியவர் என்பது குறிப்பிடத்தக்கது.
மேலும் சிவகார்த்திகேயன் நடித்து முடித்துள்ள ’டாக்டர்’ திரைப்படம் விரைவில் ரிலீசாக உள்ளதாகவும் அவர் நடித்துவரும் ‘டான்’ மற்றும் ‘அயலான்’ திரைப் படங்களின் படப்பிடிப்பு விறுவிறுப்பாக நடந்து வருகிறது.