Rare Gossip about T Rajendar : நடிகர் சிம்புவின் தந்தையும், புகழ்பெற்ற இயக்குனருமான டி ராஜேந்தர் தன்னுடைய சினிமா கெரியரில் சிக்கிய ஒரே ஒரு கிசுகிசு பற்றி பார்க்கலாம்.
தமிழ் சினிமாவில் சர்ச்சைகளுக்கு பெயர்போன நடிகர்கள் லிஸ்ட்டை எடுத்து பார்த்தால் அதில் நடிகர் சிம்புவுக்கு தனி இடம் உண்டு. நடிகைகளுடன் காதல், ஷூட்டிங்கிற்கு லேட்டாக வருவது என சிம்பு சினிமாவில் சந்தித்த சர்ச்சைகள் ஏராளம். ஆனால் அவரை சினிமாவில் அறிமுகப்படுத்திய அவரது தந்தை டி ராஜேந்தர் அதற்கு அப்படியே எதிரானவர். சினிமாவில் மிஸ்டர் கிளீன் என சர்டிபிகேட் கொடுத்தால் அதில் டி ராஜேந்தருக்கு தான் கொடுக்க வேண்டும்.
ஏனெனில் இவர் அந்த அளவுக்கு ஜென்டில்மேனாக இருந்திருக்கிறார். இன்றைய காலகட்டத்தில் மீடூவில் புகார் கூறும் நடிகைகள் பலரும் டி ராஜேந்தரை போல ஒரு அற்புதமான மனிதரை பார்க்கவே முடியாது என வியந்து பாராட்டுகின்றனர். நடிகைகளை தொட்டு கூட நடிக்க மாட்டார்.
இன்னும் சொல்லப்போனால் தனது மூச்சு காத்துகூட நடிகைகள் மீது படக்கூடாது என நினைப்பவர். இப்படிப்பட்ட தங்கமான மனுஷனும் ஒரு கிசுகிசுவில் சிக்கி இருக்கிறார்.
டி ராஜேந்தர் இயக்கத்தில் வெளியாகி பிளாக்பஸ்டர் ஹிட்டான படம் உயிருள்ளவரை உஷா. அப்படம் ரிலீஸ் ஆனபோது தான் டி ராஜேந்தர் பற்றிய கிசுகிசுவும் உலா வந்தது. அவர் அப்படத்தின் டைட்டிலில் உஷா என பெயர் வைத்ததற்கு பின்னணியில் ஒரு காதல் இருப்பதாகவும், கிசுகிசுக்கப்பட்டது. ஆனால் அந்த சமயத்தில் அதை டி ராஜேந்தர் பெரிதாக எடுத்துக்கொள்ளவில்லை. ஆனால் பின்னாளில் அதற்கு தக்க பதிலடியும் கொடுத்திருக்கிறார் டி.ஆர்.
இதையும் படியுங்கள்... பாரதிராஜா கைவைக்காத நடிகைகளே இல்ல... 16 வயசுல நடிக்க வந்த ஹீரோயினையும் விட்டு வைக்கல!!
அது எப்போது என்றால் அவரின் திருமணத்தின் போது தான். ஏனெனில் அவர் காதலிப்பதாக சொல்லப்பட்ட நடிகை வேறுயாருமில்லை அவருடைய மனைவி உஷா தான். டி ஆர் இயக்கிய முதல் படத்திலேயே நடித்திருப்பார் உஷா. அப்போதே அவரை காதலிக்க தொடங்கிய டி ராஜேந்தர், பின்னாளில் தன் காதலி மீது அன்பை வெளிப்படுத்தும் விதமாக தான் உயிருள்ளவரை உஷா என்கிற படத்தை இயக்கி இருக்கிறார். அப்படம் ஹிட்டானதை போல் அவரது காதலும் சக்சஸ் ஆகி இருக்கிறது.
அவர் சிக்கிய ஒரே ஒரு கிசுகிசு இதுதான். அதன்பின் எந்த நடிகையுடனும் அவர் கிசுகிசுவில் சிக்கியதில்லை. டி.ராஜேந்தர் - உஷா ஜோடிக்கு குரலரசன், சிலம்பரசன், இலக்கியா என மூன்று பிள்ளைகளும் உள்ளனர். இதில் சிம்பு சிறுவயதில் இருந்தே சினிமாவில் நடித்து தற்போது டாப் ஹீரோவாக வலம் வருகிறார். அவர் நடிப்பில் தற்போது தக் லைஃப் மற்றும் எஸ்.டி.ஆர் 48 போன்ற பிரம்மாண்ட திரைப்படங்கள் வரிசையாக தயாராகி வருகின்றன.
அதேபோல் டி.ஆரின் மற்றொரு மகனான குரலரசனும் சினிமாவில் இசையமைப்பாளராக பணியாற்றி இருக்கிறார். பாண்டிராஜ் இயக்கத்தில் சிம்பு, நயன்தாரா ஜோடியாக நடித்து ஹிட்டான இது நம்ம ஆளு திரைப்படத்துக்கு இசையமைத்தது குரலரசன் தான். அதன்பின் அவர் பெரியளவில் சினிமாவில் கவனம் செலுத்தவில்லை. அதேபோல் சிம்புவின் ஒரே தங்கையான இலக்கியாவுக்கு திருமணம் ஆகி அவர் செட்டில் ஆகிவிட்டார். டி.ஆரின் வாரிசுகளில் சிம்பு மட்டும் இன்னும் திருமணம் செய்துகொள்ளாமல் முரட்டு சிங்கிளாக சுற்றி வருகிறார் என்பது குறிப்பிடத்தக்கது.
இதையும் படியுங்கள்... எங்க போனாலும் ஸ்கூல் பையன் மாதிரி பேக் மாட்டிக்கொண்டே சுற்றும் பாலய்யா - அதில் இப்படி ஒரு மேட்டர் இருக்கா?
சேனலை கிளிக் செய்து பின்தொடரவும்