Rajinikanth : நெல்சன் இயக்க உள்ள தலைவர் 169 படத்தின் படப்பிடிப்பு தொடங்கும் முன் நடிகர் ரஜினிகாந்த் அமெரிக்கா செல்ல உள்ளாராம்.
நடிகர் ரஜினிகாந்த் நடிப்பில் அடுத்ததாக உருவாக உள்ள படம் தலைவர் 169. பீஸ்ட் படத்தின் இயக்குனர் நெல்சன் இயக்க உள்ள இப்படத்தை சன்பிக்சர்ஸ் நிறுவனம் தயாரிக்க உள்ளது.
அனிருத் இசையமைக்க உள்ள இப்படத்தில் ரம்யா கிருஷ்ணன், கன்னட நடிகர் ஷிவ் ராஜ்குமார், பிரியங்கா மோகன், ஐஸ்வர்யா ராய் என மிகப்பெரிய நட்சத்திர பட்டாளமே நடிக்க உள்ளதாக கூறப்படுகிறது.
தலைவர் 169 படத்தின் படப்பிடிப்பை வருகிற ஆகஸ்ட் மாதம் தொடங்க திட்டமிட்டு உள்ளனர். இதற்கான ஆரம்பக்கட்ட பணிகள் தற்போது விறுவிறுப்பாக நடைபெற்று வருகிறது.
இந்நிலையில், தலைவர் 169 படத்தின் படப்பிடிப்பு தொடங்கும் முன் நடிகர் ரஜினிகாந்த் அமெரிக்கா செல்ல உள்ளாராம். வழக்கமாக மருத்துவ பரிசோதனைக்காக அமெரிக்கா செல்லும் ரஜினி, இம்முறை அங்கு சில நாட்கள் தங்கி ஓய்வெடுப்பதற்காக செல்ல உள்ளாராம்.
மேலும் அங்குள்ள தனது நீண்டகால நண்பர்களையும், ரசிகர்களையும் சந்திக்க திட்டமிட்டுள்ள ரஜினி, அதன்பின் இந்தியா திரும்பியதும் தலைவர் 169 பட ஷூட்டிங்கில் கலந்துகொள்ள உள்ளாராம். நடிகர் ரஜினிகாந்துடன் அவரது மனைவி லதா ரஜினிகாந்தும், மூத்த மகள் ஐஸ்வர்யாவும் உடன் செல்ல உள்ளார்களாம்.
இதையும் படியுங்கள்.... Udhayanidhi Stalin : சன் பிக்சர்ஸ் படங்களை நான் தான் ரிலீஸ் பண்ணுவேன்... ஏன்னா? - உண்மையை போட்டுடைத்த உதயநிதி
சேனலை கிளிக் செய்து பின்தொடரவும்