Radhika Apte welcomes 1st baby : நடிகர் ரஜினிகாந்தின் கபாலி படத்தின் நாயகி ராதிகா ஆப்தே, 12 ஆண்டுகளுக்கு பின் முதல் குழந்தையை பெற்றெடுத்துள்ளார்.
பாலிவுட் நடிகை ராதிகா ஆப்தே, கடந்த 2012-ம் ஆண்டு பிரகாஷ் ராஜ் இயக்கத்தில் வெளிவந்த தோனி திரைப்படத்தின் மூலம் தமிழ் திரையுலகில் ஹீரோயினாக அறிமுகமானார். இதையடுத்து கார்த்தியுடன் ஆல் இன் ஆல் அழகுராஜா திரைப்படத்தில் நடித்த அவர், அடுத்ததாக பா.இரஞ்சித் இயக்கிய கபாலி படத்தில் சூப்பர்ஸ்டார் ரஜினிகாந்துக்கு ஜோடியாக நடித்திருந்தார். இதையடுத்து இந்தியில் பிசியானதால் தமிழ் சினிமா பக்கம் அவர் தலைகாட்டவே இல்லை.
நடிகை ராதிகா ஆப்தேவுக்கு கடந்த 2011-ம் ஆண்டு பெனெடிக்ட் டெயிலர் என்பவர் மீது காதல் வயப்பட்டார். இதையடுத்து ஓராண்டு லிவ்விங் டுகெதராக வாழ்ந்த இந்த ஜோடிக்கு கடந்த 2012-ம் ஆண்டு திருமணம் ஆனது. திருமணத்துக்கு பின்னரும் படங்களில் பிசியாக நடித்து வந்ததால், ராதிகா ஆப்தே - பெனெடிக்ட் டெயிலர் ஜோடி குழந்தை பெற்றுக் கொள்ளாமலே இருந்து வந்தது. மீடூ பற்றி ஓப்பனாக பேசி தெலுங்கு திரையுலகை மிரள வைத்தார் ராதிகா.
இதையும் படியுங்கள்... OTTயில் அதிக சம்பளம் வாங்குவது இந்த தமிழ் நடிகை தான்.. எவ்வளவு சம்பளம்? டாப் 5 நடிகைகளின் லிஸ்ட் இதோ..
தெலுங்கு திரையுலகில் முன்னணி ஹீரோ ஒருவர் தன்னிடம் தவறாக நடந்துகொள்ள முயன்றபோது அனைவர் முன்னிலையிலும் சத்தமாக கத்தி அவருக்கு வார்னிங் கொடுத்ததாக பேட்டி ஒன்றில் ஓப்பனாக கூறினார். அதுமட்டுமின்றி தான் பணியாற்றியதிலேயே சிறந்த நடிகர் என்றால் அது ரஜினிகாந்த் தான் என்றும் ராதிகா கூறி இருந்தார். இந்த நிலையில், தற்போது தனக்கு குழந்தை பிறந்திருக்கும் தகவலை அதிகாரப்பூர்வமாக அறிவித்திருக்கிறார் ராதிகா.
குழந்தைக்கு பாலூட்டியபடி அமர்ந்திருக்கும் போட்டோ ஒன்றை வெளியிட்டுள்ள ராதிகா. தனக்கு குழந்தை பிறந்து ஒரு வாரம் ஆகிவிட்டதாக கூறி இருக்கிறார். இருப்பினும் தனக்கு பிறந்த குழந்தை ஆணா இல்லை பெண்ணா என்கிற தகவலை அவர் வெளியிடவில்லை. திருமணமாகி 12 ஆண்டுகளுக்கு குழந்தை பெற்றெடுத்துள்ள நடிகை ராதிகா ஆப்தே - பெனெடிக்ட் டெயிலர் ஜோடிக்கு சமூக வலைதளங்களில் வாழ்த்துக்கள் குவிந்த வண்ணம் உள்ளன.
இதையும் படியுங்கள்... தண்ணி இல்லை.. கழிவறைக்கு கூட செல்ல முடியவில்லை.. ஏர்போர்ட்டில் நடந்த சம்பவம் - குமுறிய நடிகை ராதிகா ஆப்தே!
சேனலை கிளிக் செய்து பின்தொடரவும்