ராஜமவுலி முதல் அட்லீ வரை; அதிக சம்பளம் வாங்கும் டாப் 10 இயக்குனர்கள் லிஸ்ட் இதோ

நடிகர், நடிகைகள் சம்பளத்தை உயர்த்துவது போல் இயக்குனர்களும் தங்கள் சம்பளத்தை படத்துக்கு படம் அதிகரித்து வருகிறார்கள். அந்த வகையில் இந்தியாவில் அதிக சம்பளம் வாங்கும் இயக்குனர்கள் பட்டியலை பார்க்கலாம்.

Top 10 Highest Paid Directors in India : சினிமா பிரபலங்களுக்கு கோடிக்கணக்கில் சம்பளம் வாரி வழங்கப்படுகிறது. குறிப்பாக நடிகர், நடிகைகளின் சம்பளம் கடந்த நான்கு ஆண்டுகளில் மளமளவென உயர்ந்துவிட்டன. குறிப்பாக நடிகர்கள் சம்பளம் தற்போது 300 கோடியை எட்டிவிட்டது. நடிக்கும் நடிகர்களே இப்படி சம்பளம் வாங்கினால், அவர்களை வைத்து படம் இயக்கும் இயக்குனர்கள் சும்மா விடுவார்களா... அவர்களும் தங்கள் பங்கிற்கு சம்பளத்தை மளமளவென உயர்த்திவிட்டார்கள். அந்த வகையில் இந்தியாவில் அதிக சம்பளம் வாங்கும் இயக்குனர்களைப் பற்றி இங்கே காணலாம்.

Rajamouli Salary

முதலிடத்தில் ராஜமவுலி

அதிக சம்பளம் வாங்கும் இயக்குனர்கள் பட்டியலில் பாகுபலி டைரக்டர் ராஜமவுலி தான் முதலிடத்தில் உள்ளார். இதுவரை தோல்வி படங்களே கொடுக்காத இயக்குனர் என்கிற பெருமையும் வலம் வரும் இவர், பாகுபலி என்கிற பான் இந்தியா ஹிட் படத்தை கொடுத்த பின்னர் தன்னுடைய சம்பளத்தை உயர்த்திவிட்டார். இவர் இயக்கத்தில் தற்போது மகேஷ் பாபு நடிக்கும் படம் 1000 கோடி பட்ஜெட்டில் தயாராகிறது. இப்படத்திற்காக அவர் ரூ.200 கோடி சம்பளம் வாங்கி உள்ளாராம்.

இதையும் படியுங்கள்... பாகுபலி படத்தால் அடைந்த மன வேதனை தான் அதிகம் – இயக்குநர் ராஜமௌலி!

Atlee Salary

அட்லீக்கு 100 கோடி

இயக்குனர் ஷங்கரிடம் உதவி இயக்குனராக பணியாற்றி, இன்று பான் இந்தியாவே கொண்டாடும் ஒரு இயக்குனராக உருவெடுத்து இருக்கிறார் அட்லீ. அவர் பாலிவுட்டில் இயக்கிய ஜவான் படம் 1000 கோடிக்கு மேல் வசூலித்து அட்லீயின் மார்க்கெட்டை உயர்த்திவிட்டது. இதையடுத்து அல்லு அர்ஜுன் உடன் இணைந்து ஹாலிவுட் ரேஞ்சுக்கு ஒரு படத்தை கொடுக்க தயாராகி வருகிறார் அட்லீ. இப்படம் 800 கோடி பட்ஜெட்டில் உருவாகிறது. இப்படத்தை இயக்க அட்லீ ரூ.100 கோடி சம்பளம் வாங்கி உள்ளாராம்.

Highest Paid Directors

அதிக சம்பளம் வாங்கும் இயக்குனர்கள் யார்... யார்?

ராஜமவுலி மற்றும் அட்லீயை தொடர்ந்து 100 கோடிக்கு மேல் சம்பளம் வாங்கும் இயக்குனர் என்றால் அது சந்தீப் ரெட்டி வங்கா தான். அர்ஜுன் ரெட்டி, அனிமல் போன்ற படங்களை இயக்கிய அவர் அடுத்ததாக பிரபாஸின் ஸ்பிரிட் படத்தை இயக்க ரூ.100 கோடிக்கு மேல் சம்பளம் வாங்குகிறார். அடுத்ததாக பாலிவுட் இயக்குனர் ராஜ்குமார் ஹிரானி ரூ.80 கோடியும், புஷ்பா பட இயக்குனர் சுகுமார் ரூ.75 கோடியும், கேஜிஎப் இயக்குனர் பிரசாந்த் நீல் ரூ.60 கோடியும், பாலிவுட் இயக்குனர் சஞ்சய் லீலா பன்சாலி ரூ.55 கோடியும், இயக்குனர்கள் ஷங்கர், லோகேஷ் கனகராஜ், நெல்சன் ஆகியோர் தலா ரூ.50 கோடியும் சம்பளம் வாங்குகிறார்கள். 

இதையும் படியுங்கள்... அல்லு அர்ஜூன் படத்திற்கு அட்லீக்கு இத்தனை கோடி சம்பளமா? ஜவானை விட 4 மடங்கு அதிகமா?