கட்டாயப்படுத்தி என்னையும் என் தங்கையையும் உதட்டில் முத்தமிட டார்ச்சர் செய்தனர்! ராதிகா கூறிய அதிர்ச்சி தகவல்!

மலையாளத் திரையுலகில், மிகப்பெரிய பூகம்பமாக வெடித்துள்ளது ஹேமா கமிட்டி அறிக்கை. இந்த அறிக்கை வெளியிட்ட பின்னர் அடுத்தடுத்து பல நடிகைகள் பாலியல் ரீதியான பிரச்சனைகளை வெளிப்படுத்தி வரும் நிலையில், உதட்டில் முத்தமிட டார்ச்சர் செய்யப்பட்டதாக நடிகை ராதிகா தன்னுடைய பழைய பேட்டி ஒன்றில் கூறி அதிரவைத்துள்ளார்.  

Radhika Sarathkumar

பிரபல நடிகரின் வஞ்சத்திற்கு ஆளாகி, நான்கு பேரால் கடத்தி காரில் வைத்து பாலியல் துன்புறுத்தலுக்கு ஆளாக்கப்பட்டார் பிரபல நடிகை. இந்த சம்பவம் 2017-ஆம் ஆண்டு மலையாள திரை உலகில் பரபரப்பை ஏற்படுத்திய நிலையில், நடிகைகளுக்கு சினிமாவில் ஏற்படும் பாலியல் பிரச்சனை குறித்து விசாரிக்க, ஓய்வு பெற்ற நீதிபதி ஹேமா தலைமையில் கமிட்டி அமைக்கப்பட்டது.

Hema Committee

இதில் நடிகைகள் தங்களுக்கு நடந்த பாலியல் சீண்டல்களை வெளிப்படையாக கூறலாம் என்றும், அவர்கள் பற்றிய தகவல் ரகசியமாக வைக்கப்படும் என தெரிவிக்கப்பட்டதை தொடந்து, பல நடிகைகள் தங்களுக்கு நடிகர்களால், இயக்குநர்களாலும், தயாரிப்பாளர்களாலும் நடந்த அதிர்ச்சி சம்பவங்களை அடுக்கினர்.

Kushboo

இந்த அறிக்கை கடந்த வாரம் வெளியானதை தொடர்ந்து,  சில சீனியர் நடிகைகள் தங்களுக்கு ஏற்பட்ட பாலியல் சீண்டல்கள் குறித்து மீண்டும் பேச துவங்கியுள்ளது மட்டும் இன்றி, அதனை எப்படி தைரியமாக எதிர்கொண்டனர் என்பது பற்றியும் பேசி வருவதை பார்க்க முடிகிறது. குறிப்பாக நடிகை குஷ்பூ தன்னுடைய பேட்டி ஒன்றில்... தயாரிப்பாளர் ஒருவர் தவறான அணுகு முறையுடன், தன்னுடைய ரூமுக்கு வந்த போது காலில் போட்டிருந்த செருப்பை அவர் முன்பு காட்டி, இங்கு அடிக்கவா அல்லது யூனிட் முன்பு அடிக்கவா என கேட்டதாக அதிர்ச்சி கொடுத்தார்.

Radhika Sarathkumar

அதே போல் நடிகை ராதிகா கேரவனில் கூட நடிகைகளுக்கு தெரியாமல் சிலர் கேமராக்கள் பொருந்துவதாக கூறி பகீர் கிளப்பினார். இளம் நடிகைகளை விட சீனியர் நடிகைகளே அதிகம் இப்படிப்பட்ட சம்பவங்களை வெளிப்படையாக கூறிவரும் நிலையில், தற்போது நடிகை ராதிகா முத்தத்துக்கு பெயர் போன நடிகர் படத்தில் தன்னையும் தன்னுடைய தங்கையையும் கட்டாயப்படுத்தி முத்த காட்சியில் நடிக்க வற்புறுத்தியதாக பழைய பேட்டி ஒன்றில் கூறியுள்ளார்.

Kamalhaasan

இது குறித்து நடிகை ராதிகா தன்னுடைய பழைய கூறியுள்ளதாவது... "பொதுவாகவே கமலஹாசன் நடிக்கும் படங்களில் முத்த காட்சிகள் இடம் பெறுவது வழக்கம். இயக்குனர்களும் தயாரிப்பாளர்களும் இப்படிப்பட்ட காட்சிகள் இளவட்ட ரசிகர்களை கவர்வதால் இது போன்ற காட்சிகளை வைப்பதில் ஆர்வம் காட்டுகிறார்கள். அப்படி தான் ஒரு கட்டத்தில் கமல்ஹாசன் நடிக்கும் படங்களில் முத்த காட்சிகள் என்பது எழுதப்படாத விதியாக இருந்தது. ஒரு சில நடிகைகள் சகித்துக் கொண்டு இது போன்ற காட்சிகளின் நடித்தாலும், ஒரு சிலர் முத்த காட்சி காரணமாகவே கமல்ஹாசனின் படங்களில் நடிக்க தயங்குவார்கள்.

Nirosha

முத்த காட்சிக்கு நான் தயக்கம் காட்டியதன் காரணமாகவே, சிப்பிக்குள் முத்து திரைப்படத்திற்கு பின்னர் கமல்ஹாசன் உடன் நடிக்கும் படங்களை குறைத்துக் கொண்டேன். என்னை மட்டும் இன்றி என்னுடைய தங்கைக்கு கூட உதட்டோடு உதடு வைத்து முத்தக் காட்சியில் நடிக்க வேண்டும் என டார்ச்சர் செய்யப்பட்டார். அப்போது அதை நான் தடுத்ததால், சிலரது கோபத்திற்கு ஆளானேன். பல வாய்ப்புகளும் நான் இழக்க நேரிட்டது என நடிகை ராதிகா தன்னுடைய பேட்டியில் கூறியுள்ளார்.