சிவகார்த்திகேயனின் எஸ்.கே.புரொடக்ஷன்ஸ் தயாரிப்பில் ராதிகா நடிப்பில் வெளியாகி திரையரங்கில் சக்கைப்போடு போட்டு வரும் தாய் கிழவி படத்தின் ஓடிடி ரிலீஸ் குறித்த தகவல் கசிந்துள்ளது.
சிவகார்த்திகேயன் தயாரிப்பில் கடந்த பிப்ரவரி 27ந் தேதி திரைக்கு வந்த படம் தாய் கிழவி. இப்படத்தில் ராதிகா சரத்குமார் முதன்மை கதாபாத்திரத்தில் நடித்திருந்தார். அவருடன் பால சரவணன், சிங்கம்புலி, அருள்தாஸ் ஆகியோர் முக்கிய கதாபாத்திரத்தில் நடித்திருந்தனர். இப்படத்தில் பவுனுத்தாயி என்கிற கதாபாத்திரத்தில் ராதிகா நடித்திருந்தார். இப்படத்தை சிவக்குமார் முருகேசன் என்கிற புதுமுக இயக்குநர் இயக்கி இருந்தார். நிவாஷ் கே பிரசன்னா இப்படத்திற்கு இசையமைத்திருந்தார்.
24
தாய் கிழவி வசூல்
தாய் கிழவி திரைப்படம் ரிலீஸ் ஆன முதல் நாளில் இருந்தே பாசிடிவ் ரெஸ்பான்ஸ் பெற்று வருவதால் இப்படத்தின் வசூலும் நாளுக்கு நாள் அதிகரித்த வண்ணம் உள்ளது. இப்படம் தற்போது வரை உலக அளவில் ரூ.70 கோடிக்கு மேல் வசூலித்து வெற்றிநடைபோட்டு வருகிறது. நேற்று கூட இப்படம் இந்தியாவில் 1 கோடிக்கு மேல் வசூலை வாரிக்குவித்து உள்ளது. தமிழ்நாட்டில் இப்படத்துக்கு ஈடு கொடுக்க வேறு எந்த பெரிய பட்ஜெட் படங்களும் ரிலீஸ் ஆகாததால், தொடர்ந்து வெற்றிநடைபோட்டு வருகிறது.
34
சாதனை படைத்த தாய் கிழவி
தாய் கிழவி திரைப்படம் தற்போது மேலும் ஒரு சாதனையை படைத்துள்ளது. இப்படம் தமிழ்நாட்டில் மட்டும் 50 கோடிக்கு மேல் வசூலை அள்ளி மாஸ் காட்டி உள்ளது. பெண்களை மையப்படுத்தி எடுக்கப்பட்ட படங்களில், தமிழ்நாட்டில் 50 கோடிக்கு மேல் வசூல் அள்ளிய முதல் படம் என்கிற பெருமையையும் தாய் கிழவி பெற்றுள்ளது. இப்படம் இன்னும் 2 கோடி வசூலித்தால், தமிழ்நாட்டில் இந்த ஆண்டு அதிக வசூல் அள்ளிய படம் என்கிற சாதனையை படைக்கும். தற்போது சிவகார்த்திகேயனின் பராசக்தி திரைப்படம் 57 கோடி உடன் முதலிடத்தில் உள்ளது. தாய் கிழவி படம் இதுவரை 55 கோடி வசூலித்துள்ளது குறிப்பிடத்தக்கது.
இந்த நிலையில் தாய் கிழவி படத்தின் ஓடிடி ரிலீஸ் பற்றிய அப்டேட் வெளியாகி உள்ளது. இப்படத்தின் ஓடிடி உரிமையை ஜியோ ஹாட்ஸ்டார் நிறுவனம் கைப்பற்றி உள்ளது. பொதுவாக தமிழ் படங்கள் வெளியான 28 நாட்களில் ஓடிடிக்கு வந்துவிடும், அதன்படி பார்த்தால் இப்படம் இம்மாதம் 26-ந் தேதி ஓடிடிக்கு வர வாய்ப்பு உள்ளது. ஆனால் படம் தியேட்டரில் தொடர்ந்து வெற்றிநடை போட்டு வருவதால், அதன் ஓடிடி ரிலீஸ் ஏப்ரல் முதல் வாரத்திற்கும் தள்ளிப்போக வாய்ப்பு இருப்பதாக கூறப்படுகிறது. இன்னும் சில தினங்களில் படக்குழுவே தாய்கிழவி ஓடிடி ரிலீஸ் பற்றிய அறிவிப்பை வெளியிடும் என எதிர்பார்க்கப்படுகிறது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
