"கங்குவா முதல் பாதி மிரட்டல் தான் போங்க; குஷியில் சூர்யா அண்ணன்" - ஞானவேல் சொன்ன ஹாப்பி நியூஸ்!

Kanguva Movie : பிரபல இயக்குனர் சிறுத்தை சிவா இயக்கத்தில் நடிகர் சூர்யா நடித்து முடித்துள்ள திரைப்படம் தான் "கங்குவா". வருகின்ற நவம்பர் மாதம் 14ம் தேதி இந்த திரைப்படம் திரையரங்குகளில் வெளியாகிறது.

Gnanavel Raja

தமிழ் சினிமாவை பொறுத்தவரை இதுவரை யாரும் கையாளாத ஒரு புதிய கதைகளத்தோடு, வருகின்ற நவம்பர் 14ஆம் தேதி சுமார் 38 மொழிகளில் உலக அளவில் "கங்குவா" திரைப்படம் வெளியாக உள்ளது. சிறுத்தை சிவா இயக்கத்தில் முதல் முறையாக நடிகர் சூர்யா இரு வெவ்வேறு கதாபாத்திரங்கள் ஏற்று நடித்திருக்கும் படம் தான் இது. சுமார் 2 மணி நேரம் 26 நிமிடங்கள் ஓடும் இந்த திரைப்படத்தில் இரண்டு மணி நேரம் ஹிஸ்டாரிகல் போர்ஷனும், 26 நிமிடங்கள் தற்கால காலகட்டத்தில் நடக்கும் கதையாக இருக்கும் என்று கூறப்பட்டுள்ளது.

Kanguva Movie

இந்த திரைப்படம் நடிகர் சூர்யாவின் திரை வரலாற்றிலேயே மிகப்பெரிய பட்ஜெட்டில் உருவாகும் திரைப்படம் என்பது குறிப்பிடத்தக்கது. அது மட்டுமல்லாமல் உலக அளவில் சுமார் 38 மொழிகளில் இந்த திரைப்படம் ஒரே நாளில் வெளியாவதால் பாக்ஸ் ஆபிஸிலும் மிகப்பெரிய சாதனை படைக்கும் என்று எதிர்பார்க்கப்படுகிறது. அண்மையில் பேசிய இந்த திரைப்படத்தின் தயாரிப்பாளர், ஸ்டுடியோ நிறுவனத்தின் கே.இ ஞானவேல் ராஜா, "கங்குவா திரைப்படம் உலக அளவில் சுமார் 2000 கோடி வரை வசூல் செய்ய கூடிய அளவிற்கு தரமான திரைப்படம்" என்று கூறியிருந்தது குறிப்பிடத்தக்கது.

Kanguva Suriya

38 மொழிகளில் இந்த திரைப்படம் வெளியாகிறது என்றாலும், தமிழ் மொழியில் உள்ள சூர்யாவின் குரலை AI  தொழில்நுட்பம் மூலம் 38 மொழிகளுக்கும் மொழிபெயர்த்து தான் வெளியிடப்பட உள்ளது என்பது மிகப்பெரிய செய்தியாக பார்க்கப்படுகிறது. வருகின்ற நவம்பர் 14ஆம் தேதி இந்த திரைப்படம் உலக அளவில் வெளியாகிறது. ஏற்கனவே அக்டோபர் 10ஆம் தேதி "வேட்டையன்" திரைப்படத்தோடு இணைந்து இந்த திரைப்படம் வெளியாகும் என்று எதிர்பார்க்கப்பட்ட நிலையில், மரியாதை நிமித்தமாக அந்த தேதியில் இருந்து கங்குவா திரைப்படம் விலகியது குறிப்பிடத்தக்கது.

studio green

நவம்பர் 14ம் தேதி கங்குவா திரைப்படம் வெளியாக உள்ள நிலையில், தொடர்ச்சியாக தயாரிப்பாளர் ஞானவேல் ராஜா மற்றும் இயக்குனர் சிறுத்தை சிவா ஆகிய இருவரும் இப்போதிலிருந்து ப்ரோமோஷன் பணிகளில் ஈடுபட்டு வருகின்றனர். அப்படி ஒரு தனியார் நிறுவனத்திற்கு அளித்த பேட்டியில் பேசிய தயாரிப்பாளர் ஞானவேல் ராஜா "கங்குவா முதல் பாதி படத்தை பார்த்துவிட்டு சூர்யா அண்ணனுக்கு போன் செய்து படத்தைப் பற்றி பேசினேன். பொதுவாக படத்தில் இருக்கும் குறைகளை தான், நான் முதலில் நாயகர்களிடம் பேசுவேன். ஆனால் கல்குவா படத்தை பார்த்துவிட்டு, நான் சூர்யா அண்ணனிடம் பேசும்பொழுது என்னால் நல்ல விஷயங்களை மட்டுமே கூற முடிந்தது. காரணம் இந்த திரைப்படத்தில் குறை என்று எதுவுமே இல்லை".

"அதை கேட்டதுமே சூர்யா அண்ணனுடன் மகிழ்ச்சி வேறொரு நிலைக்கு சென்றுவிட்டது" என்று கூறியிருக்கிறார் ஞானவேல்.