Thalapathy 66 : வம்சி இயக்கும் தளபதி 66 படத்தில் நடிகர் விஜய்க்கு அண்ணனாக நடிக்க 80ஸ் ஹீரோ ஒருவரும், 90ஸ் ஹீரோ ஒருவரும் மறுப்பு தெரிவித்துள்ளனர்.
விஜய் - வம்சி கூட்டணியில் உருவாகி வரும் படம் தளபதி 66. தில் ராஜு தயாரிக்கும் இப்ப்டத்தில் நடிகர் விஜய்க்கு ஜோடியாக ராஷ்மிகா மந்தனா நடிக்கிறார். மேலும் நடிகர் சரத்குமார் இப்படம் மூலம் நடிகர் விஜய் உடன் முதன்முறையாக கூட்டணி அமைத்துள்ளார். தளபதி 66 படத்திற்காக சென்னையில் பிரம்மாண்ட அரங்குகள் அமைக்கப்பட்டு ஷூட்டிங் நடைபெற்று வருகிறது.
இப்படத்தில் விஜய்க்கு அண்ணனாக நடிக்க முன்னணி நடிகர்களுடன் பேச்சுவார்த்தை நடைபெற்று வருவதாக கூறப்பட்டது. முதலில் பிரசாந்த்திடம் படக்குழு பேச்சுவார்த்தை நடத்தியதாக கூறப்படுகிறது. அவர் நடிக்க மறுத்துவிட்டதால், பின்னர் நடிகர் மோகனை அணுகினர். தற்போது அவரும் நடிக்க மறுத்துவிட்டதாக கூறப்படுகிறது.
அவர்கள் இருவரும் நடிக்க மறுத்ததற்கான காரணம் வெளியாகி உள்ளது. அதன்படி நடிகர் பிரசாந்த் நீண்ட இடைவெளிக்கு பின் அந்தகன் என்கிற படத்தில் நாயகனாக நடித்துள்ளார். இப்படம் விரைவில் ரிலீசாக உள்ளது. இதையடுத்தும் ஹீரோவாக நடிக்கவே பிரசாந்த் விரும்புவதால் அவர் அண்ணன் ரோலில் நடிக்க நோ சொல்லிவிட்டாராம்.
அதேபோல் நடிகர் மோகன் இப்படத்தில் நடிக்க கிட்டத்தட்ட உறுதியாகிவிட்டதாக செய்திகள் வெளியாகின. ஆனால் அவரும் இப்படத்தில் நடிக்கவில்லை என்பதை சமீபத்திய பேட்டியில் கன்பார்ம் செய்துள்ளார். அவர் தற்போது ஹரா என்கிற படத்தில் ஹீரோவாக நடித்து வருகிறார். அதில் நடித்து முடித்த பின்னரே தனது அடுத்த படம் குறித்து முடிவெடுக்க உள்ளதாக மோகன் தெரிவித்துள்ளார்.
இதையும் படியுங்கள்... DADA movie : பிக்பாஸ் கவினை கைக்குழந்தையுடன் சுத்தவிட்ட பீஸ்ட் நடிகை... கவனம் ஈர்க்கும் பர்ஸ்ட் லுக் போஸ்டர்
சேனலை கிளிக் செய்து பின்தொடரவும்