மாறுபட்ட வேடங்கள்; பிரதீப்பின் Dragon படத்தில் அசத்த வரும் 3 டக்கர் இயக்குனர்கள் - வைரல் பிக்ஸ்!

Dragon Movie : அஸ்வந்த் மாரிமுத்து இயக்கி வரும் "டிராகன்" திரைப்படத்தில் இரண்டு முன்னணி இயக்குனர்கள் நடிகர்களாக களமிறங்குகின்றனர். அதுகுறித்து அதிகாரப்பூர் அறிவிப்பு வெளியாகி உள்ளது.

Dragon movie

தமிழில் கடந்த 2019ம் ஆண்டு ஜெயம் ரவி நடிப்பில் வெளியாகிய பட்டி தொட்டி எங்கும் மெகா ஹிட் ஆன திரைப்படம் தான் "கோமாளி". இந்த திரைப்படத்தின் மூலம் சைமா வழங்கும் அறிமுக இயக்குனருக்கான விருதை வென்று, தமிழ் ரசிகர்களின் பெரும் ஆதரவோடு தனது கலை பயணத்தை தொடங்கியவர் தான் இயக்குனர் பிரதீப் ரங்கநாதன். அதைத்தொடர்ந்து 2022 ஆம் ஆண்டு "லவ் டுடே" என்கின்ற திரைப்படத்தை இயக்கி அவரே ஹீரோவாகவும் நடித்திருந்தார். இந்த திரைப்படத்திற்காகவும் சைமா வழங்கும் அறிமுக நடிகருக்கான விருதை இவர் வென்றது குறிப்பிடத்தக்கது.

Ravikumar

இரண்டு திரைப்படங்கள் தான் இயக்கியிருக்கிறார் என்றாலும், இன்று தமிழ் ரசிகர்கள் மத்தியில் மிகப்பெரிய வரவேற்பை பெற்றுள்ள பிரதீப் ரங்கநாதன் நடிப்பில் இப்போது இரண்டு திரைப்படங்கள் உருவாகி வருகிறது. ஆனால் இந்த இரண்டு திரைப்படங்களும் அவருடைய இயக்கத்தில் உருவாகவில்லை என்பது குறிப்பிடத்தக்கது. பிரபல இயக்குனர் விக்னேஷ் சிவன் இயக்கத்தில் "லவ் இன்சூரன்ஸ் கம்பெனி" என்கின்ற திரைப்படத்திலும், அஸ்வந்த் மாரிமுத்து இயக்கத்தில் "டிராகன்" என்ற படத்திலும் அவர் ஹீரோவாக நடித்து வருகிறார்.

Mysskin

கடந்த 2020 ஆம் ஆண்டு தமிழில் வெளியாகி மக்கள் மத்தியில் நல்ல வரவேற்பை பெற்ற "ஓ மை கடவுளே" என்கின்ற திரைப்படத்தை இயக்கி இயக்குனராக தமிழ் தரையுலகில் களமிறங்கியவர் தான் அஸ்வந்த் மாரிமுத்து. இப்போது தன்னுடைய இரண்டாவது திரைப்படத்தை அவர் தமிழில் இயக்கி வருகின்றார். டிராகன் என்கின்ற அந்த திரைப்படத்தில் பிரபல நடிகர் பிரதீப் ரங்கநாதன் நாயகனாக நடித்த வருகிறார். மேலும் அனுபமா பரமேஸ்வரன் டிராகன் திரைப்படத்தின் நாயகியாக நடித்து வருகின்றார்.

GVM

இந்த நிலையில் "மயில்வாகனன்" என்கின்ற கதாபாத்திரத்தில் பிரபல இயக்குனர் மற்றும் நடிகர் மிஷ்கின் அவர்களும், "பரசுராம்" என்கின்ற கதாபாத்திரத்தில் மூத்த தமிழ் திரையுலக இயக்குனர் மற்றும் நடிகர் கே.எஸ் ரவி குமாரும் இணைந்து நடித்துவருகின்றனர். இது குறித்த அதிகாரப்பூர்வ அறிவிப்புகள் தற்பொழுது வெளியாகி உள்ளது. மேலும் Youtube மூலம் தமிழகம் முழுவதும் புகழ்பெற்ற வி.ஜே சிந்து மற்றும் ஹர்ஷத் கான் ஆகிய இருவரும் இந்த திரைப்படத்தில் ஒரு முக்கிய கதாபாத்திரம் ஏற்று நடித்து வருகின்றனர். 

அது மட்டும் அல்லாமல் தமிழ் சினிமாவின் சிறந்த இயக்குனராக திகழ்ந்துவரும் கௌதம் வாசுதேவ் மேனனும் இந்த திரைப்படத்தில் நடித்திருக்கிறார். பிரபல ஏஜிஎஸ் நிறுவனத்தின் சார்பில் இந்த திரைப்படம் இப்போது உருவாகி வருகிறது.