11 சொகுசு கார்களுடன் ராஜவாழ்க்கை வாழும் பவர்ஸ்டார் ‘பவன் கல்யாண்’ இத்தனை கோடி சொத்துக்கு அதிபதியா?

தெலுங்கு நடிகர் பவன் கல்யாண் இன்று தனது பிறந்தநாளை கொண்டாடும் நிலையில், அவரின் சொத்து மதிப்பு குறித்து இந்த தொகுப்பில் பார்க்கலாம்.

Pawan Kalyan

தெலுங்கு நடிகர் பவன் கல்யாண் தற்போது முழு நேர அரசியல்வாதியாக மாறி இருக்கிறார். நடந்து முடிந்த ஆந்திர சட்டசபை தேர்தலில், பவன் கல்யாணின் ஜனசேனா கட்சி, சந்திரபாபு நாயுடு உடன் கூட்டணி அமைத்து போட்டியிட்டு 21 தொகுதிகளில் வெற்றிவாகை சூடியது. அதன்பின்னர் ஆந்திர மாநிலத்தின் துணை முதல்வராகவும் பவன் கல்யாண் நியமிக்கப்பட்டார். அவர் இன்று தனது 56-வது பிறந்தநாளை கொண்டாடி வருகிறார். இந்த நிலையில் அவரின் சொத்து மதிப்பு குறித்து பார்க்கலாம்.

Power Star Pawan Kalyan

பவன் கல்யாண் கடந்த ஏப்ரல் மாதம் சட்டசபை தேர்தலுக்காக மனுத்தாக்கல் செய்யும்போது தன்னுடைய சொத்து விவரத்தையும் வெளியிட்டார். அதில் தனக்கு 46.17 கோடி அசையும் சொத்துக்களும், 118.36 கோடி அசையா சொத்துக்களும் இருப்பதாக குறிப்பிட்டு இருந்தார். இதன்மூலம் தனக்கு மொத்தமாக ரூ.164 கோடி சொத்துக்கள் இருப்பதாக பவன் கல்யாண அதிகாரப்பூர்வமாக அறிவித்து இருந்தார். 

இதையும் படியுங்கள்... ரைட்டு.. அப்போ சிறப்பான சம்பவம் இருக்கு - GOAT படத்தில் ஒரு ரீமிக்ஸ் சாங் - VP தந்த அப்டேட்!

Pawan Kalyan Birthday

கடந்த நான்கு ஆண்டுகளில் மட்டும் அவரது சொத்து மதிப்பு ரூ.60 கோடி அதிகரித்து உள்ளது. பவன் கல்யாணிடம் 11 சொகுசு கார்கள் உள்ளன. அதன் மொத்த மதிப்பு ரூ.14 கோடி இருக்கும் என கூறப்படுகிறது. ரேஞ்ச் ரோவர், ஹார்லி டேவிட்சன் போன்ற முன்னணி பிராண்டு கார் மற்றும் பைக்குகளையும் பவன் கல்யாண் வைத்திருக்கிறார். அவர் நடிப்பில் தற்போது ஓஜி என்கிற தெலுங்கு படம் உருவாகி வருகிறது. அப்படத்தில் பிரியங்கா மோகன் ஹீரோயினாக நடிக்கிறார்.

Pawan Kalyan Net Worth

பவன் கல்யாண் இதுவரை 3 முறை திருமணம் செய்துள்ளார். அவரது முதல் மனைவி பெயர், நந்தினி. 19 வயதிலேயே பவன் கல்யாணின் மனைவியான இவர், 4 ஆண்டுகளிலேயே அவரை விவாகரத்து செய்து பிரிந்துவிட்டார். பின்னர் நடிகை ரேணு தேசாய் என்பவரை காதலித்து கரம்பிடித்த பவன் கல்யாண் கடந்த 2008-ம் ஆண்டு அவரை பிரிந்தார். இவர்களுக்கு ஒரு மகனும் உள்ளார். இதையடுத்து 2013-ம் ஆண்டு ரஷ்ய நடிகை அன்னா லெஸ்னேவாவை திருமணம் செய்துகொண்டார் பவன் கல்யாண், இந்த ஜோடிக்கும் ஒரு ஆண் குழந்தை உள்ளது.

இதையும் படியுங்கள்... நடிகை சாய் பல்லவியின் காதலன் இவர்தானா? 10 வருட காதலாம் பாஸ்!!