மணிரத்னம் இயக்கத்தில் கார்த்தி, திரிஷா, விக்ரம், ஜெயம் ரவி நடித்த பொன்னியின் செல்வன் 2 திரைப்படத்தின் உண்மையான வசூல் நிலவரத்தை லைகா நிறுவனம் வெளியிட்டுள்ளது.
மணிரத்னம் இயக்கிய பிரம்மாண்ட படைப்பான பொன்னியின் செல்வன் திரைப்படம் இரண்டு பாகங்களாக ரிலீஸ் ஆகி உள்ளது. அப்படத்தின் முதல் பாகம் கடந்தாண்டு ரிலீசாகி ரூ.500 கோடிக்கு மேல் வசூலித்த நிலையில், அதன் இரண்டாம் பாதி கடந்த ஏப்ரல் 28-ந் தேதி உலகமெங்கும் ரிலீஸ் ஆனது. இப்படத்திற்கு மக்கள் மத்தியில் அமோக வரவேற்பு கிடைத்து வந்தாலும், முதல் பாகத்தைப் போல் இரண்டாம் பாகத்தின் வசூல் இல்லை என்பது தான் பரவலாக பேசப்பட்டு வருகிறது.
24
பொன்னியின் செல்வன் முதல் பாகத்தை விட இரண்டாம் பாகம் கம்மியாக வசூலித்து வருவதற்கு முக்கிய காரணம், இப்படத்திற்கு சிறப்பு காட்சிகள் திரையிட தமிழக அரசு அனுமதி அளிக்காதது தான். பொன்னியின் செல்வன் முதல் பாகம் முதல் நாளில் ரூ.80 கோடிக்கு மேல் வசூலித்திருந்தது. ஆனால் இரண்டாம் பாகத்திற்கு முதல் நாளில் வெறும் ரூ.65 கோடி மட்டுமே கிடைத்திருந்தது. தொடர்ந்து மூன்று நாள் விடுமுறை என்பதால் இப்படத்தின் வசூல் மேலும் அதிகரித்துள்ளது.
அதன்படி பொன்னியின் செல்வன் 2 திரைப்படம் 4 நாட்களில் ரூ.200 கோடிக்கு மேல் வசூலித்து உள்ளதாக இப்படத்தை தயாரித்த லைகா நிறுவனம் அதிகாரப்பூர்வமாக அறிவித்து உள்ளது. இதன்மூலம் அஜித்தின் வலிமை படத்தின் லைப் டைம் வசூலை பொன்னியின் செல்வன் 2 முந்தியுள்ளது. அதுவும் நான்கே நாட்களில் இந்த சாதனையை பொன்னியின் செல்வன் 2 படைத்துள்ளது. அடுத்ததாக விஜய்யின் பீஸ்ட் பட வசூலை இப்படம் முறியடிக்கும் என எதிர்பார்க்கப்படுகிறது.
44
பொன்னியின் செல்வன் 2 திரைப்படம் உலகளவில் 3 ஆயிரத்திற்கும் மேற்பட்ட திரைகளில் திரையிடப்பட்டு உள்ளது. இப்படத்திற்கு தமிழகம் மற்றும் கேரளாவில் மட்டுமே அமோக வரவேற்பு கிடைத்து வருகிறது. வட மாநிலங்களைப் பொறுத்தவரை பொன்னியின் செல்வன் 2 படத்துக்கு பெரியளவில் வரவேற்பு கிடைக்கவில்லை. அதேபோல் தெலுங்கு மற்றும் கன்னடத்திலும் முதல் பாகத்திற்கு கிடைத்த அமோக வரவேற்பு இரண்டாம் பாகத்திற்கு இல்லை என்றே கூறப்படுகிறது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
