Asin : நடிகை அசின் மகளா இது..! அதுக்குள்ள இவ்ளோ வளந்துட்டாங்க... போட்டோ பார்த்து ஷாக் ஆன ரசிகர்கள்

Asin : தமிழில் அஜித், விஜய், சூர்யா போன்ற முன்னணி நடிகர்களுடன் நடித்து பிரபலமான அசின், தற்போது தனது மகள் அரினின் புகைப்படங்களை சமூக வலைதளங்களில் வெளியிட்டுள்ளார்.

கேரளாவில் இருந்து வந்து தமிழ் திரையுலகில் சாதித்த நடிகைகள் ஏராளம். அந்த லிஸ்டில் நயன்தாராவுக்கு அடுத்தபடியாக இருப்பவர் அசின். இவர் கடந்த 2004-ம் ஆண்டு மோகன்ராஜா இயக்கத்தில் வெளியான எம்.குமரன் படத்தில் ஜெயம் ரவிக்கு ஜோடியாக நடித்ததன் மூலம் தமிழ் திரையுலகில் ஹீரோயினாக எண்ட்ரி கொடுத்தார்.

இப்படத்தில் கேரளத்து பெண்ணாகவே நடித்திருந்த அசின், முதல் படத்திலேயே தனது வசீகர நடிப்பால் தமிழ் ரசிகர்களின் மனதில் இடம்பிடித்தார். இதையடுத்து விஜய்க்கு ஜோடியாக போக்கிரி, அஜித்துடன் வரலாறு, சூர்யா உடன் கஜினி, கமலுடன் தசாவதாரம் என அடுத்தடுத்து பிளாக்பஸ்டர் ஹிட் படங்களில் நடித்து, குறுகிய காலத்திலேயே முன்னணி நடிகையாக உயர்ந்தார் அசின்.

இதையும் படியுங்கள்... பிரபல பாலிவுட் நடிகையின் சகோதரருடன் மாலத்தீவில் மஜா பண்ணும் இலியானா... மீண்டும் காதலில் விழுந்த இடுப்பழகி?

தமிழ் மட்டுமின்றி பாலிவுட்டிலும் சல்மான் கானுக்கு ஜோடியாக நடித்து அசத்தினார் அசின். இவ்வாறு அறிமுகமான சில ஆண்டுகளிலேயே அசுர வளர்ச்சி கண்ட அசின், டாப் நடிகையாக இருக்கும் போதே திருமணம் செய்துகொண்டு சினிமாவை விட்டு விலகினார். இவர் கடந்த 2016-ம் ஆண்டு மைக்ரோமேக்ஸ் கம்பெனியின் இணை நிறுவனர் ராகுல் சர்மாவை திருமணம் செய்துகொண்டார்.

இத்தம்பதிக்கு கடந்த 2017-ம் ஆண்டு அரின் என்ற பெண் குழந்தை பிறந்தது. தற்போது அசினின் மகள் அரினுக்கு 4 வயது ஆகும் நிலையில், அவரின் லேட்டஸ்ட் புகைப்படங்கள் ரசிகர்களை ஆச்சர்யத்தில் ஆழ்த்தி உள்ளன. அதைப்பார்த்த ரசிகர்கள் அசினுக்கு இவ்வளவு பெரிய மகளா என கேட்கும் அளவிற்கு மளமளவென வளர்ந்துவிட்டார் அரின். அந்த புகைப்படங்கள் தற்போது சோசியல் மீடியாவில் படு வைரல் ஆகி வருகின்றன.

இதையும் படியுங்கள்... Neelima : உங்க உள்ளாடை சைஸ் என்ன... கொச்சையாக கேள்வி கேட்ட நபருக்கு செருப்படி பதில் அளித்த நடிகை நீலிமா