'செம்பருத்தி' சீரியல் மூலம் பிரபலமான நடிகை ஷபானா ஷாஜகான், அந்தத் தொடர் முடிந்த பிறகு சந்தித்த மன ரீதியான போராட்டங்கள் குறித்துப் பகிர்ந்துள்ளார். தற்போது அதிலிருந்து மீண்டு தனது திரைப்பயணத்தில் கவனம் செலுத்துவதாகவும் அவர் கூறியுள்ளார்.
சின்னத்திரை உலகில் ஒரு சில கதாபாத்திரங்கள் மட்டுமே மக்கள் மனதில் நீங்கா இடம்பிடிக்கும். அந்த வகையில் 'செம்பருத்தி' சீரியல் மூலம் தமிழகத்தின் பட்டிதொட்டியெங்கும் பிரபலமானவர் நடிகை ஷபானா ஷாஜகான். சுமார் ஐந்து ஆண்டுகளாக ஒரு கதாபாத்திரமாகவே வாழ்ந்த அவர், அந்தத் தொடர் முடிந்த பிறகு தான் சந்தித்த மன ரீதியான போராட்டங்கள் குறித்து சமீபத்திய பேட்டியில் உருக்கமாகப் பகிர்ந்துள்ளார்.
24
செம்பருத்தி: ஒரு திருப்புமுனை
கேரளாவைப் பூர்வீகமாகக் கொண்ட ஷபானா, தமிழ் சின்னத்திரையில் நுழைந்த குறுகிய காலத்திலேயே உச்சம் தொட்டவர். 'செம்பருத்தி' தொடரில் அவர் ஏற்று நடித்த 'பார்வதி' கதாபாத்திரம் அவருக்குப் பெரும் புகழைத் தேடித்தந்தது. சமீபத்தில் அளித்த பேட்டி ஒன்றில், அந்தத் தொடர் தனது வாழ்க்கையில் ஏற்படுத்திய தாக்கம் குறித்து அவர் பேசியுள்ளார்.
"செம்பருத்தி சீரியல் தான் எனக்கு அடையாளத்தைக் கொடுத்தது. இன்றும் மக்கள் என்னைச் சந்திக்கும்போது அந்த சீரியலைப் பற்றித்தான் பேசுகிறார்கள். அந்த புராஜக்ட் என் வாழ்க்கையையே முழுமையாகப் புரட்டிப் போட்டுவிட்டது" என்று நெகிழ்ச்சியுடன் குறிப்பிட்டார்.
34
ஒரு மாதம் வீட்டிற்குள்ளேயே முடங்கிய காரணம்
எந்தவொரு தொடரும் நீண்ட காலம் ஒளிபரப்பாகும்போது, அதில் நடிக்கும் கலைஞர்கள் அந்தப் பாத்திரமாகவே மாறிவிடுவது இயல்பு. ஷபானாவிற்கும் அதுவே நடந்துள்ளது. சீரியல் படப்பிடிப்புகள் நிறைவடைந்த பிறகு, அதிலிருந்து மீள முடியாமல் அவர் சிரமப்பட்டுள்ளார். சீரியல் முடிவடைந்த சமயத்தில், பார்வதி கதாபாத்திரத்தின் தாக்கம் என்னிடம் மிக அதிகமாக இருந்தது. அந்த எமோஷனல் சூழலில் இருந்து எப்படி வெளியே வருவது என்று எனக்குத் தெரியவில்லை.""அந்த மன அழுத்தம் மற்றும் பிரிவின் காரணமாக சுமார் ஒரு மாதம் நான் வீட்டிற்குள்ளேயே இருந்தேன். யாரையும் சந்திக்கத் தோன்றவில்லை." "அப்போது அந்த உணர்ச்சிகளைக் கையாளத் தெரியாமல் தவித்தேன். ஆனால் இப்போது அந்த அனுபவங்கள் எனக்குப் புரியத்தொடங்கியுள்ளன" எனத் தெரிவித்துள்ளார்.
செம்பருத்தி'க்கு பிறகு 'Mr. மனைவி' தொடரில் நடித்த ஷபானா, அண்மையில் 'குக் வித் கோமாளி' நிகழ்ச்சியிலும் போட்டியாளராகப் பங்கேற்று தனது கலகலப்பான மறுபக்கத்தை ரசிகர்களுக்குக் காட்டினார். ஆரம்பத்தில் எமோஷனல் ரீதியாகத் தடுமாறினாலும், தற்போது மிகவும் முதிர்ச்சியுடன் தனது அடுத்தடுத்த திரைப்பயணத்தைத் திட்டமிட்டு வருகிறார்.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
