நெல்சா... வேறமாறி... வேறமாறி! ரஜினிகாந்தின் ஜெயிலர் பட ஷூட்டிங் ஸ்பாட் போட்டோஸ் வைரல்

இயக்குனர் நெல்சன் திலீப்குமாரின் பிறந்தநாளை முன்னிட்டு, ஜெயிலர் படத்தின் ஷூட்டிங் ஸ்பாட் போட்டோஸ் வெளியாகி இணையத்தில் வைரலாகி வருகிறது.

Jailer

சின்னத்திரையில் இருந்து வெள்ளித்திரைக்குள் வந்து சாதித்த பிரபலங்களில் நெல்சனும் ஒருவர். விஜய் டிவி நிகழ்ச்சிகளை இயக்கி வந்த இவர், நயன்தாரா நடிப்பில் வெளியான கோலமாவு கோகிலா திரைப்படத்தின் மூலம் தமிழ் திரையுலகில் இயக்குனராக காலடி எடுத்து வைத்தார். அப்படத்தின் பிரம்மாண்ட வெற்றியை அடுத்து, சிவகார்த்திகேயன் நடிப்பில் வெளியான டாக்டர் படத்தை இயக்கினார் நெல்சன். இதுவும் ரூ.100 கோடிக்கு மேல் வசூலை அள்ளி சாதித்தது.

Jailer

டாக்டர், கோலமாவு கோகிலா என இரண்டு பிளாக்பஸ்டர் ஹிட் படங்களை கொடுத்த நெல்சனுக்கு அடுத்ததாக கிடைத்த ஜாக்பாட் வாய்ப்பு தான் தளபதி விஜய்யின் பீஸ்ட். இப்படம் கடந்தாண்டு வெளியாகி விமர்சன ரீதியாக சறுக்கினாலும், ரூ.200 கோடிக்கு மேல் வசூலித்து பாக்ஸ் ஆபிஸில் கெத்து காட்டியது. பீஸ்ட் படத்திற்கு பின்னர் நெல்சனுக்கு சூப்பர்ஸ்டார் ரஜினிகாந்த் உடன் பணியாற்றும் வாய்ப்பு கிடைத்தது.

இதையும் படியுங்கள்.... நயன்தாரா முதல் அனுஷ்கா வரை... சினிமாவுக்காக பெயரை மாற்றிக்கொண்ட நடிகைகளின் ஒரிஜினல் பெயர்கள் இதோ

Jailer

அவர்கள் இருவரும் இணைந்து பணியாற்றியுள்ள திரைப்படம் தான் ஜெயிலர். இப்படத்தை சன்பிக்சர்ஸ் நிறுவனம் தயாரித்துள்ளது. இதில் ரஜினிகாந்த் உடன் விநாயகன், மோகன்லால், ரம்யா கிருஷ்ணன், யோகிபாபு, ரோபோ சங்கர், வஸந்த் ரவி, மிர்ணா, ஷிவ ராஜ்குமார், தமன்னா, சுனில் என மிகப்பெரிய நட்சத்திர பட்டாளமே நடித்துள்ளது. இப்படம் வருகிற ஆகஸ்ட் மாதம் 10-ந் தேதி திரைக்கு வர உள்ளதாக அறிவிக்கப்பட்டு உள்ளது.

Jailer

ஜெயிலர் படத்தின் பின்னணி பணிகள் தற்போது விறுவிறுப்பாக நடைபெற்று வருகிறது. இந்த நிலையில், இப்படத்தின் இயக்குனர் நெல்சன் இன்று தனது பிறந்தநாளை கொண்டாடி வருகிறார். அவருக்கு ரசிகர்களும் திரையுலக பிரபலங்களும் வாழ்த்து மழை பொழிந்து வருகின்றனர். இந்நிலையில். நெல்சனின் பிறந்தநாள் ஸ்பெஷலாக ஜெயிலர் படத்தின் BTS புகைப்படங்களை வெளியிட்டு படக்குழு இன்ப அதிர்ச்சி கொடுத்துள்ளது.

இதையும் படியுங்கள்.... நியூயார்க் டைம்ஸ் சதுக்கத்தில் விஜய் போஸ்டர்... தடபுடலாக தொடங்கிய தளபதியின் பிறந்தநாள் கொண்டாட்டம்- வீடியோ இதோ