Nayanthara House : நடிகை நயன்தாராவின் புதுவீடு சூப்பர்ஸ்டார் ரஜினிகாந்தின் இல்லம் அமைந்துள்ள போயஸ் கார்டன் பகுதியில் பிரம்மாண்டமாக கட்டப்பட்டு வருகிறது.
நடிகை நயன்தாராவுக்கு வயது 40-ஐ நெருங்கும் நிலையிலும், அவர் தென்னிந்திய திரையுலகில் முன்னணி ஹீரோயினாக வலம் வருகிறார். அதுமட்டுமின்றி தென்னிந்தியாவில் அதிக சம்பளம் வாங்கும் நடிகைகள் பட்டியலிலும் இவர் தான் முன்னணியில் உள்ளார். இத்தனை ஆண்டுகளாக தமிழ், தெலுங்கு, கன்னடம், மலையாளம் போன்ற மொழிகளில் மட்டுமே நடித்து வந்த நயன்தாரா தற்போது இந்தியிலும் அறிமுகமாகி உள்ளார்.
இவர் ஷாருக்கானுக்கு ஜோடியாக ஜவான் என்கிற இந்திப் படத்தில் நடித்து வருகிறார். இப்படத்தை இயக்குனர் அட்லீ இயக்குகிறார். இப்படத்தின் படப்பிடிப்பு மும்பையில் நடைபெற்று வருகிறது. நடிகை நயன்தாராவுக்கு கடந்த மாதம் திருமணம் ஆனது. கல்யாண வேலைகளில் பிசியாக இருந்ததால் கடந்த ஒரு மாதமாக ஜவான் பட ஷூட்டிங்கில் கலந்துகொள்ளாமல் இருந்த நயன்தாராம் கடந்த வாரம் தான் இணைந்தார்.
இதையும் படியுங்கள்... Iravin Nizhal : ரிலீசுக்கு முன்பே சர்வதேச திரைப்பட விழாக்களில் 3 விருதுகளை தட்டித்தூக்கிய இரவின் நிழல்
நடிகை நயன்தாரா, தனது காதல் கணவன் விக்னேஷ் சிவனுக்காக பிரம்மாண்ட வீடு ஒன்றை திருமண பரிசாக வழங்கி இருந்தார். அந்த வீடு சூப்பர்ஸ்டார் ரஜினிகாந்தின் இல்லம் அமைந்துள்ள போயஸ் கார்டன் பகுதியில் பிரம்மாண்டமாக கட்டப்பட்டு வருகிறது. சுமார் 16 ஆயிரத்து 500 சதுர அடியில் இந்த வீட்டை கட்டி வருகிறார் நயன்தாரா.
இதையும் படியுங்கள்... சுசிகணேசன் மீதான மீடூ புகார் முதல் காளி தம் அடிக்கும் போஸ்டர் வரை... தொடரும் சர்ச்சை- யார் இந்த லீனா மணிமேகலை?
இந்த வீட்டின் உள்புற வேலைப்பாடுகள் குறித்து பல ஆச்சர்ய தகவல்கள் வெளியாகி உள்ளன. அதன்படி இந்த ஆடம்பர வீட்டில் நீச்சல் குளம், தியேட்டர், உடற்பயிற்சி கூடம் ஆகியவை இடம்பெற்று உள்ளதாம். குறிப்பாக பாத்ரூம் மட்டும் 1500 சதுர அடியில் கட்டப்படுகிறதாம். பாத்ரூமே இவ்வளவு பிரம்மாண்டமாக கட்டப்பட்டால் வீடு எவ்வளவு பிரம்மாண்டமாக இருக்கும் என்பதை நினைத்து பார்க்கவே தலை சுற்றுகிறது.
இதையும் படியுங்கள்... Ajith : முதல்வர் இருக்கையில் அஜித்... டுவிட்டரில் அதகளப்படுத்தும் AK ரசிகர்கள் - வைரலாகும் Fan Made போட்டோ
இந்த ஆடம்பர வீட்டின் உள்புற வேலைகள் தற்போது நடைபெற்று வருகிறதாம். இதற்காக சச்சின், ஷாருக்கான் போன்ற பிரபலங்களின் வீடுகளுக்கு உள்புற வேலைகள் பார்த்த மும்பையை சேர்ந்த தனியார் நிறுவனத்தை நடிகை நயன்தாரா அணுகியுள்ளாராம். உள்புற வேலைகளுக்காக மட்டும் சுமார் 25 கோடி ரூபாய் செலவழித்து உள்ளாராம் நயன். விரைவில் இந்த புது வீட்டில் விக்னேஷ் சிவன் - நயன்தாரா ஜோடி குடியேற உள்ளதாக கூறப்படுகிறது.
சேனலை கிளிக் செய்து பின்தொடரவும்