Netflix: தியேட்டரை விட ஓடிடியில் மாஸ் காட்டிய படங்கள்! நெட்ஃபிளிக்ஸில் டாப் 7 இடங்களை பிடித்த பாலிவுட் படங்கள் எவை?

Netflix, நெட்ஃபிளிக்ஸ் சமீபத்தில் வெளியிட்ட அதிகம் பார்க்கப்பட்ட திரைப்படங்களின் பட்டியலில், தமிழ் இயக்குனர் அட்லியின் 'ஜவான்' 33.7 மில்லியன் பார்வைகளுடன் முதலிடம் பிடித்துள்ளது. 

நெட்ஃபிளிக்ஸில் சாதனை படைக்கும் இந்திய திரைப்படங்கள்.!

ஓடிடி தளங்களில் முன்னணி வகிக்கும் நெட்ஃபிளிக்ஸ் நிறுவனம், அவ்வப்போது அதிக மக்களால் பார்க்கப்பட்ட (Most-Watched) திரைப்படங்களின் பட்டியலை வெளியிட்டு வருகிறது. இதில் சுவாரஸ்யமான விஷயம் என்னவென்றால், பெரிய பட்ஜெட் படங்கள் மட்டுமின்றி, அழுத்தமான கதையம்சம் கொண்ட சிறு பட்ஜெட் படங்களும் கோடிக்கணக்கான பார்வைகளை அள்ளி சாதனை படைத்துள்ளன.

பாலிவுட்டில் முதலிடம் பிடிக்கும் 'ஜவான்'.!

திரையரங்குகளுக்கு இணையாக ஓடிடி தளங்களும் இன்று சினிமா ரசிகர்களின் முக்கிய அங்கமாக மாறிவிட்டன. குறிப்பாக நெட்ஃபிளிக்ஸ் தளத்தில் மில்லியன் கணக்கான பார்வைகளைக் குவித்து, உலக அளவில் டிரெண்டான டாப் 7 பாலிவுட் படங்களைப் பார்ப்போம். இதில் ஒரு தமிழ் இயக்குனர் முதலிடம் பிடித்து சாதனை படைத்துள்ளது குறிப்பிடத்தக்கது.

ஜவான் (Jawan) – 33.7 மில்லியன் பார்வைகள்

பாலிவுட் பாட்ஷா ஷாருக்கான் நடிப்பில், தமிழ் இயக்குனர் அட்லி இயக்கத்தில் வெளியான இந்தப் படம் முதலிடத்தில் உள்ளது. திரையரங்குகளில் ஆயிரம் கோடிக்கும் மேல் வசூலித்த நிலையில், நெட்ஃபிளிக்ஸில் கூடுதல் காட்சிகளுடன் (Extended Cut) வெளியாகி உலக ரசிகர்களைக் கவர்ந்தது. சமூகக் கருத்து கலந்த ஆக்ஷன் விருந்தாக இது அமைந்தது.

அனிமல் (Animal) – 31.4 மில்லியன் பார்வைகள்

சர்ச்சைகளுக்கும் ரன்பீர் கபூரின் மிரட்டலான நடிப்பிற்கும் பெயர்போன திரைப்படம் 'அனிமல்'. 3 மணிநேரத்திற்கும் மேலான நீளம் கொண்ட போதிலும், ரன்பீரின் அதிரடி மாற்றத்தைக் காண ரசிகர்கள் காட்டிய ஆர்வத்தால் இந்தப் படம் இரண்டாம் இடத்தைப் பிடித்துள்ளது.

வீட்டில் இருந்து ரசிக்கும் ரசிகர்கள்.!

கங்குபாய் கத்தியவாடி (Gangubai Kathiawadi) – 31.14 மில்லியன் பார்வைகள்

சஞ்சய் லீலா பன்சாலி இயக்கத்தில் ஆலியா பட் நடித்த இந்தப் படம், ஒரு பெண்ணின் எழுச்சிப் போராட்டத்தை அழகாகப் பதிவு செய்தது. இந்தியா மட்டுமின்றி, தாய்லாந்து உள்ளிட்ட வெளிநாடுகளிலும் இந்தப் படம் மிகப்பெரிய வரவேற்பைப் பெற்றது.

லாபதா லேடீஸ் (Laapataa Ladies) – 31.1 மில்லியன் பார்வைகள் 

பெரிய நட்சத்திரங்கள் இல்லாவிட்டாலும், வலுவான கதைக்களத்தால் வெல்ல முடியும் என நிரூபித்த படம் இது. ரயில் பயணத்தில் மணப்பெண்கள் மாறிப்போகும் சுவாரசியமான கதையை நகைச்சுவையுடன் சொன்ன இயக்குனர் கிரண் ராவ், இந்தப் படத்தை ஆஸ்கார் பரிந்துரை வரை கொண்டு சென்றார்.

க்ரூ (Crew) – 28.8 மில்லியன் பார்வைகள்

 தபு, கரீனா கபூர் மற்றும் கிருதி சனோன் என மூன்று முன்னணி நாயகிகள் இணைந்து நடித்த காமெடி த்ரில்லர். ஏர் ஹோஸ்டஸ்கள் தங்கம் கடத்தும் விவகாரத்தை நகைச்சுவையாகவும் விறுவிறுப்பாகவும் கையாண்ட விதம் குடும்ப ரசிகர்களை வெகுவாகக் கவர்ந்தது.

மாஸ் காட்டும் அட்லியின் 'ஜவான்' திரைப்படம்

ஃபைட்டர் (Fighter) – 27.5 மில்லியன் பார்வைகள் 

ஹிருத்திக் ரோஷன் - தீபிகா படுகோன் கூட்டணியில் உருவான வான்வழி ஆக்ஷன் திரைப்படம். ஹாலிவுட் தரத்திலான விஷுவல் எஃபெக்ட்ஸ் மற்றும் தேசப்பற்று கலந்த கதைக்களம் படத்திற்கு கூடுதல் பலம் சேர்த்தது.

ஜானே ஜான் (Jaane Jaan) – 24.2 மில்லியன் பார்வைகள் 

பிரபல நாவலை அடிப்படையாகக் கொண்டு நேரடியாக நெட்ஃபிளிக்ஸில் வெளியான மிஸ்டரி த்ரில்லர் இது. கரீனா கபூர் மற்றும் விஜய் வர்மாவின் எதார்த்தமான நடிப்பு, க்ரைம் த்ரில்லர் ரசிகர்களுக்கு ஒரு சிறந்த அனுபவத்தைக் கொடுத்தது.

இந்தப் பட்டியலில் தமிழ் இயக்குனர் அட்லியின் 'ஜவான்' திரைப்படம் முதலிடத்தில் இருப்பது கோலிவுட் மற்றும் பாலிவுட் ரசிகர்களிடையே பெரும் மகிழ்ச்சியை ஏற்படுத்தியுள்ளது.