மௌன ராகம் முதல் ராவணன் வரை - சினிமாவை புரட்டிப்போட்ட மணிரத்னத்தின் டாப் 5 படங்கள்!

Mani Ratnam : தமிழ் சினிமாவிற்கு தனித்துவமான பல படங்களை கொடுத்து அசத்திய இயக்குனர் தான் மணிரத்னம். அவருடைய பல படங்கள் ஆண்டுகள் கடந்தும் பேசப்படுகிறது.

Mouna Ragam Movie

மோகன், கார்த்திக், ரேவதி இந்த மூன்று சிறப்பான நடிகர்களை நேர்த்தியாக மணிரத்தினம் இயக்கிய திரைப்படம் தான் "மௌன ராகம்". ஒரு முக்கோண காதல் கதையை, மிக அழகாக மணிரத்தினம் சொல்லிய படம் தான் அது. பிடிக்காமல் ஒருவரை திருமணம் செய்து கொண்டு, இறுதியில் தனது பழைய காதலும் நிறைவேறாமல் போகும் ஒரு பெண், தனக்காக இறுதிவரை தன்னை நேசித்து வந்த கணவரை ஏற்றுக்கொள்ளும் ஒரு கதைக்களம். உண்மையில் மணிரத்னத்தின் டச்சில் மிளிரிய ஒரு படமது.

Nayakan Movie

தமிழ் சினிமாவில் தாதாக்களின் கதைகள் உருவாக முக்கிய காரணமாக அமைந்த திரைப்படம் "நாயகன்" என்றால் அது மிகையல்ல. "காட் பாதர்" என்கின்ற அமெரிக்க திரைப்படத்தை தழுவி, வரதராஜ முதலியார் என்பவருடைய வாழ்க்கை வரலாறை இணைத்து எடுக்கப்பட்ட ஒரு திரைப்படம். மும்பை வாழ் தமிழர்கள் குறித்து தமிழில் முதல் முறை எடுக்கப்பட்ட ஒரு திரைப்படமாகவும் இது கருதப்படுகிறது. உலகநாயகன் கமல்ஹாசன், நடிகை சரண்யா பொன்வண்ணன், டெல்லி கணேஷ் மற்றும் ஜனகராஜ் உள்ளிட்ட பலரும் நேர்த்தியான நடிப்பை வெளிப்படுத்தியிருப்பார்கள்.

Thalapathi

மகாபாரத கதையை ஒரு திரைப்படமாக எடுத்தால் எப்படி இருக்கும் என்று கேட்டால்? அதற்கு "தளபதி" திரைப்படத்தை பதிலாக சொல்லலாம். குந்திதேவியாக ஸ்ரீவித்யாவயும், கர்ணனாக சூப்பர் ஸ்டார் ரஜினிகாந்தையும் நினைத்துக்கொண்டு இந்த படத்தை பார்த்தால் அவ்வளவு சிறப்பாக இருக்கும். ஸ்டைல் மன்னனாக இருந்த ஒருவரை தலைகீழாக புரட்டிப்போட்ட ஒரு திரைப்படம் தான் தளபதி. இளையராஜாவின் இசை, அந்த படத்தை மேலும் 1000 மடங்கு மெருகேற்றியதும் குறிப்பிடத்தக்கது.

Kannathil Muthamittal

சென்னையில் தனது குடும்பத்தோடு மகிழ்ச்சியாக வாழ்கின்ற ஒரு சிறுமி, தனது உண்மையான தாய் தந்தை குறித்து அறிந்து கொள்கிறார். அவர்கள் இலங்கை போரில் ஈடுபட்டவர்கள் என்பது பெரிய வர, தனது தாய் தந்தையின் உதவியோடு தனது உண்மையான தாயை சந்திக்க செல்லும் ஒரு சிறுமியின் கதையை மிக நேர்த்தியாக கையாண்டு இருப்பார் இயக்குனர் மணிரத்தினம். சாக்லேட் ஹீரோவாக வலம்வந்த மாதவன் ஒரு குழந்தையின் தந்தையாக அற்புதமான நடிப்பை வெளிப்படுத்தியிருப்பார்.

Raavanan Movie

ராவணனின் கதையை, இக்கால கலை ரசனைக்கு ஏற்றார் போல சொல்லிய ஒரு திரைப்படம் தான் ராவணன். ஹிந்தி மற்றும் தமிழில் இந்த படத்தை எடுத்து மெகா ஹிட் கொடுத்தார் மணிரத்னம். நடிகர் விக்ரம் மற்றும் நடிகை ஐஸ்வர்யா ராய் ஆகிய இருவருடைய திரை வரலாற்றில் மிகவும் சவால் மிகுந்த படங்களில் ஒன்றாக இன்று வரை திகழ்ந்து வருகின்றது ராவணன் திரைப்படம்.