கோலிவுட்டில் இளம் நடிகையாக வலம் வருபவர் மேகா ஆகாஷ். இவர் தமிழில் எனை நோக்கி பாயும் தோட்டா, பேட்ட, யாதும் ஊரே யாவரும் கேளிர், வந்தா ராஜாவா தான் வருவேன், மழை பிடிக்காத மனிதன் போன்ற படங்களில் நடித்திருக்கிறார். இவர் தமிழ் மட்டுமின்றி தெலுங்கு படங்களிலும் நடித்து வருகிறார் மேகா ஆகாஷ். இவர் கடந்த ஆறு ஆண்டுகளாக சாய் விஷ்ணு என்பவரை காதலித்து வந்துள்ளார். இவரின் சீக்ரெட் காதல் தற்போது வெளிச்சத்துக்கு வந்துள்ளது.
24
Megha Akash Meet Rajinikanth
மேகா ஆகாஷின் காதலன் வேறுயாருமில்லை, தமிழகத்தில் காங்கிரஸ் கட்சியின் முன்னாள் தலைவராக இருந்த திருநாவுக்கரசரின் மகன் தான் இந்த சாய் விஷ்ணு. இவருக்கும் மேகா ஆகாஷுக்கு 9 ஆண்டுகள் பழக்கமாம். ஆரம்பத்தில் நட்புடன் பழகி வந்த இவர்கள் கடந்த 6 ஆண்டுகளாக காதலித்து வந்துள்ளனர். இவர்கள் காதலுக்கு குடும்பத்தினர் கிரீன் சிக்னல் காட்டியதை அடுத்து, இருவரும் திருமணத்துக்கு தயாராகி வருகிறார்கள்.
மேகா ஆகாஷ் - சாய் விஷ்ணு ஜோடியின் திருமணம் வருகிற செப்டம்பர் 15, 16 ஆகிய தேதிகளில் நடைபெற உள்ளது. இவர்களது திருமணத்திற்கான ஏற்பாடுகள் தற்போது தடபுடலாக நடைபெற்று வருகிறது. இந்த நிலையில், நடிகை மேகா ஆகாஷ், தனது வருங்கால கணவருடன் சென்று சூப்பர்ஸ்டார் ரஜினிகாந்தை அவரது இல்லத்தில் சந்தித்து அவருக்கு திருமண அழைப்பிதழையும் கொடுத்துள்ளார்.
44
Rajinikanth with Megha Akash and Saai VIshnu
சு திருநாவுக்கரசரும் உடன் சென்றிருந்தார். மேகா ஆகாஷ் - சாய் விஷ்ணு ஜோடியை வாழ்த்தியதோடு, அவர்களுடன் சேர்ந்து புகைப்படமும் எடுத்துக் கொண்டார் ரஜினிகாந்த். பின்னர் சிறிது நேரம் அவருடன் உரையாடிவிட்டு அங்கிருந்து கிளம்பிச் சென்றனர். ரஜினியுடன் பேட்ட படத்தில் நடித்திருந்த மேகா ஆகாஷ், எப்போதும் தான் ரஜினியின் தீவிர ரசிகை என்று தன்னுடைய இன்ஸ்டாகிராம் பக்கத்தில் பதிவிட்டு உள்ளார்.
