நடிகர் கமல்ஹாசன் நடித்த விக்ரம் திரைப்படம் கடந்தாண்டு வெளியாகி பிளாக்பஸ்டர் ஹிட் ஆனது. அப்படத்தின் வெற்றிக்கு பின்னர், சினிமாவில் செம்ம பிசியான கமல், தற்போது ஷங்கர் இயக்கத்தில் உருவாகும் இந்தியன் 2 படத்தில் நடித்து வருகிறார். அப்படத்தின் ஷூட்டிங் விறுவிறுப்பாக நடைபெற்று வருகிறது. இப்படத்தை லைகா மற்றும் ரெட் ஜெயண்ட் நிறுவனங்கள் இணைந்து தயாரிக்கின்றன.
அடுத்ததாக மணிரத்னம் இயக்கும் படத்தில் நடிக்க இருக்கிறார் கமல். அப்படத்தை கமல்ஹாசனின் ராஜ்கமல் பிலிம்ஸ் நிறுவனம், மணிரத்னத்தின் மெட்ராஸ் டாக்கீஸ் நிறுவனம் மற்றும் உதயநிதியின் ரெட் ஜெயண்ட் மூவீஸ் நிறுவனம் ஆகிய மூன்று நிறுவனங்கள் இணைந்து தயாரிக்க உள்ளன. கமல்ஹாசன் இந்தியன் 2 படத்தில் நடித்து முடித்த பின் இப்படத்தின் ஷூட்டிங் தொடங்க உள்ளது.
இதையும் படியுங்கள்... என்ன ஒரு தங்கமான மனசு... தசரா படக்குழுவுக்கு தங்கக்காசு பரிசாக வழங்கிய கீர்த்தி சுரேஷ்
இப்படத்தை பான் இந்தியா படமாக எடுக்க திட்டமிட்டுள்ளார் மணிரத்னம். அதனால் இதில் மலையாளம் மற்றும் இந்தி திரையுலகில் முன்னணி நடிகர்களாக இருக்கும் மம்முட்டி மற்றும் ஷாருக்கான் ஆகியோரை நடிக்க வைக்க பிளான் போட்டுள்ளாராம். இதுதொடர்பாக சம்பந்தப்பட்ட நடிகர்களிடம் பேச்சுவார்த்தை நடைபெற்று வருவதாகவும் கூறப்படுகிறது.