நடிகர் விக்ரம் நடிப்பில் சமீபத்தில் வெளியான பொன்னியின் செல்வன் படம் பிளாக்பஸ்டர் வெற்றியை ருசித்துள்ளது. இப்படத்தில் அவர் ஆதித்த கரிகாலனாக நடித்து அசத்தி இருந்தார். அவரது நடிப்புக்கு பாராட்டுக்களும் குவிந்தன. இதையடுத்து பா.இரஞ்சித் இயக்கும் சியான் 61 படத்தில் ஹீரோவாக நடித்து வருகிறார் விக்ரம். கே.இ.ஞானவேல் ராஜா தயாரிக்கும் இப்படத்திற்கு ஜிவி பிரகாஷ் இசையமைக்கிறார்.
இதையடுத்து விக்ரமுக்கு ஜோடியாக நடிக்கப்போவது யார் என்கிற எதிர்பார்ப்பு நிலவி வந்த நிலையில், நடிகை மாளவிகா மோகனனை ஹீரோயினாக கமிட் செய்துள்ளதாம் படக்குழு. இவர் ஏற்கனவே தமிழில் மாஸ்டர், பேட்ட, மாறன் போன்ற படங்களில் ஹீரோயினாக நடித்திருந்தார் என்பது குறிப்பிடத்தக்கது. இப்படம் மூலம் முதன்முறையாக விக்ரமுக்கு ஜோடியாக நடிக்க உள்ளார் மாளவிகா.