லிங்குசாமி இயக்கத்தில் கார்த்தி, தமன்னா நடிப்பில் வெளியாகி பிளாக்பஸ்டர் ஹிட் ஆன பையா படத்தில் நயன்தாரா நடிக்க மறுத்ததற்கான காரணம் வெளியாகி உள்ளது.
தமிழ் திரையுலகில் முன்னணி இயக்குனராக வலம் வந்தவர் லிங்குசாமி. சினிமாவில் அறிமுகமானபோது ஆனந்தம், ரன், சண்டக்கோழி, பையா என தொடர்ந்து பிளாக்பஸ்டர் ஹிட் படங்களை கொடுத்த லிங்குசாமி, தற்போது சற்று பின்னடைவை சந்தித்துள்ளார். சமீப காலமாக இவரது இயக்கத்தில் வெளியான படங்கள் படுதோல்வியை சந்தித்தன.
லிங்குசாமியின் கெரியரில் பையா படமும் முக்கியமான ஒன்று. அப்படத்தில் கார்த்தியை ஹீரோவாக நடிக்க வைத்திருப்பார் லிங்குசாமி, இதுவே பலருக்கு ஆச்சர்யமாக இருந்தது. ஏனெனில் அதற்கு முன்னர் தான் பருத்திவீரன் படத்தில் பக்கா கிராமத்து இளைஞனாக நடித்து பட்டைய கிளப்பிய கார்த்தியை ஆளே அடையாளம் தெரியாத அளவுக்கு மாடர்ன் லுக்கிற்கு மாற்றியதே அப்படத்தின் வெற்றிக்கு முக்கிய காரணமாக அமைந்தது.
இதையும் படியுங்கள்... பிரேமம் மேஜிக் மீண்டும் ஒர்க் அவுட் ஆனதா..? நயன்தாராவின் ‘கோல்டு’ எப்படி இருக்கு? - டுவிட்டர் விமர்சனம் இதோ
இப்படத்தில் நடிகர் கார்த்திக்கு ஜோடியாக தமன்னா நடித்திருந்தார். இதில் இவர்கள் இடையேயான கெமிஸ்ட்ரி ஒர்க் அவுட் ஆனதன் காரணமாகத் தான் அடுத்தடுத்து சிறுத்தை, தோழா போன்ற படங்களில் இவர்கள் இருவரும் ஜோடி சேர்ந்து நடித்து இருந்தனர். ஆனால் முதலில் பையா படத்தில் கார்த்திக்கு ஜோடியாக நடிக்க இருந்தது தமன்னா இல்லையாம்.
பையா படத்தில் நயன்தாராவை ஹீரோயினாக நடிக்க வைக்க தான் ஆசைப்பட்டாராம் லிங்குசாமி. ஆனால் சம்பள விவகாரம் காரணமாக நயன்தாரா இப்படத்தில் நடிக்க மறுத்ததை அடுத்து தான் தமன்னாவை ஹீரோயினாக நடிக்க வைத்தார்களாம். பல ஆண்டுகளாக வெளியாகாமல் இருந்த சீக்ரெட் தகவலை சமீபத்திய பேட்டியில் லிங்குசாமி வெளியிட்டுள்ளார். இருப்பினும் இதையடுத்து காஷ்மோரா படத்தில் கார்த்தியும், நயன்தாராவும் ஜோடி சேர்ந்து நடித்தனர் என்பது குறிப்பிடத்தக்கது.
இதையும் படியுங்கள்... பிக்பாஸ் வீட்டில் திடீரென மயங்கி விழுந்த அசீம்... பதறிப்போன ஹவுஸ்மேட்ஸ் - வெளியான ஷாக்கிங் வீடியோ