போதும்டா சாமி ஆள விடுங்க... லைகர் பட இயக்குனரின் அடுத்த படத்தில் இருந்து நைசாக நழுவிய விஜய் தேவரகொண்டா

vijay devarakonda : லைகர் பட இயக்குனர் பூரி ஜெகன்நாத் இயக்கத்தில் விஜய் தேவரகொண்டா நடித்து வந்த மற்றொரு படமான ஜன கன மன திரைப்படம் கிடப்பில் போடப்பட்டு உள்ளதாம்.

தெலுங்கு திரையுலகில் முன்னணி இயக்குனராக வலம் வருபவர் பூரி ஜெகன்நாத். அங்கு இவர் இயக்கத்தில் வெளியான போக்கிரி, பிசினஸ்மேன், ஐ ஸ்மார்ட் சங்கர் ஆகிய படங்கள் பிளாக்பஸ்டர் வெற்றியை ருசித்தன. குறிப்பாக தமிழில் விஜய் நடிப்பில் வெளியாகி பிளாக்பஸ்டர் ஹிட்டான போக்கிரி படம் பூரி ஜெகன்நாத் இயக்கிய தெலுங்கு ரீமேக் தான்.

அந்த அளவுக்கு டோலிவுட்டில் கொண்டாடப்பட்ட இயக்குனர் பூரி ஜெகன்நாத், தற்போது ட்ரோல் செய்யப்படும் இயக்குனராக மாறி உள்ளார். இதற்கு காரணம் இவர் இயக்கத்தில் அண்மையில் வெளியான லைகர் திரைப்படம் தான். விஜய் தேவரக்கொண்டா நடிப்பில் வெளியான இப்படம் டோலிவுட்டின் மிகப்பெரிய தோல்விப் படமாக அமைந்தது.

இதையும் படியுங்கள்... தம்மாத்தூண்டு நீச்சல் உடை அணிந்து... ஸ்லோ மோஷனில் ஆடி இளசுகளை கிறங்கடிக்கும் திவ்ய பாரதி - வைரலாகும் வீடியோ

இப்படம் 50 கோடிக்கு மேல் நஷ்டத்தை சந்தித்துள்ளது. இப்படத்தை வாங்கி வெளியிட்ட விநியோகஸ்தர்கள் 50 சதவீதத்துக்கு மேல் நஷ்டம் அடைந்ததாக கூறப்படுகிறது. அவர்களின் நஷ்டத்தை ஈடுகட்டும் விதமாக இப்படத்திற்காக வாங்கிய சம்பளத்தை இயக்குனர் பூரி ஜெகன்நாத்தும் நடிகர் விஜய் தேவரகொண்டாவும் திருப்பி கொடுத்துள்ளார்களாம்.

இந்நிலையில், இயக்குனர் பூரி ஜெகன்நாத் இயக்கத்தில் விஜய் தேவரகொண்டா நடித்து வந்த மற்றொரு படமான ஜன கன மன திரைப்படம் கிடப்பில் போடப்பட்டு உள்ளதாம். லைகர் படத்தின் தோல்வி காரணமாக இப்படத்தை கிடப்பில் போட நடிகர் விஜய் தேவரகொண்டா முடிவு செய்துள்ளாராம். ஏற்கனவே இப்படத்தின் 2 கட்ட படப்பிடிப்பு நடத்தி முடிக்கப்பட்டுவிட்டது. இதில் விஜய் தேவரகொண்டாவுக்கு ஜோடியாக பூஜா ஹெக்டே நடித்துள்ளார் என்பது குறிப்பிடத்தக்கது.

இதையும் படியுங்கள்... நீல நிற உடையில் இளம் நாயகிகளை தோற்கடிக்கும் சினேகா...புதிய புகைப்படம் இதோ