தென்னிந்திய திரையுலகில் லேடி சூப்பர்ஸ்டாராக வலம் வரும் நயன்தாரா, நடிப்பை தாண்டி பல தொழில்களையும் செய்து வருகிறார். சில நிறுவனங்களில் பங்குதாரராகவும் அவர் இருந்து வருகிறார். குறிப்பாக விக்னேஷ் சிவன் உடன் இணைந்து ரவுடி பிக்சர்ஸ் என்கிற தயாரிப்பு நிறுவனம் ஒன்றை நடத்தி வரும் நயன்தாரா, அதன்மூலம், பல்வேறு இளம் இயக்குனர்களுக்கு வாய்ப்பு அளித்து வருகிறார்.
இந்நிலையில், நடிகை நயன்தாரா தற்போது பிரபல நிறுவனத்தின் பிராண்ட் தூதுவராக நியமனம் செய்யப்பட்டு உள்ளார். ஆன்லைனில் இறைச்சி விற்பனை செய்வதில் முன்னணி நிறுவனமாக திகழ்ந்து வரும் ஃபிபோலா-வின் பிராண்ட் தூதுவராக நயன்தாரா நியமிக்கப்பட்டு உள்ளார். இந்நிறுவனத்துக்காக அவர் நடித்த விளம்பரங்கள் விரைவில் ஒளிபரப்பாகும் என கூறப்படுகிறது.