Khushbu : 'அதே பாசம், அதே புன்னகை'... குடும்பத்தோடு முதல்வர் விஜய்யை சந்தித்த பின் குஷ்பு போட்ட நெகிழ்ச்சி பதிவு..!

Khushbu Meets Tamil Nadu CM Vijay : தமிழ்நாடு முதலமைச்சர் விஜய்யை அவரது வீட்டில் சந்தித்த குஷ்பு தன்னுடைய எக்ஸ் தள பக்கத்தில் நெகிழ்ச்சியுடன் பதிவிட்டுள்ளார். அதைப்பற்றி பார்க்கலாம்.

Khushbu Daughter Avantika Wedding

தமிழ் சினிமாவின் முன்னணி நடிகைகளில் ஒருவராக 1990களில் ரசிகர்களின் மனதை கவர்ந்தவர் குஷ்பு. ரஜினிகாந்த், கமல்ஹாசன், விஜயகாந்த், சத்யராஜ், பிரபு உள்ளிட்ட பல முன்னணி நடிகர்களுடன் இணைந்து ஏராளமான வெற்றிப் படங்களில் நடித்துள்ளார். பின்னர் இயக்குநர் சுந்தர்.சியை திருமணம் செய்து கொண்ட அவர், தற்போது அரசியல் மற்றும் சமூகப் பணிகளிலும் தீவிரமாக ஈடுபட்டு வருகிறார்.

குஷ்பு மகள் திருமணம்

குஷ்பு – சுந்தர்.சி தம்பதியினருக்கு அவந்திகா மற்றும் அனந்திகா என்ற இரண்டு மகள்கள் உள்ளனர். இதில் மூத்த மகளான அவந்திகா விரைவில் திருமண பந்தத்தில் இணையவுள்ளார். அவரது திருமணம் ஷ்ரவண் ஸ்ரீனிவாசனுடன் நடைபெற உள்ளது. திருமண ஏற்பாடுகள் தீவிரமாக நடைபெற்று வரும் நிலையில், குஷ்பு மற்றும் சுந்தர்.சி தம்பதியினர் தமிழக முதலமைச்சர் ஜோசப் விஜய்யை அவரது இல்லத்தில் நேரில் சந்தித்து திருமண அழைப்பிதழை வழங்கினர். இந்த சந்திப்பு குடும்பத்தினருக்கு மிகவும் மகிழ்ச்சியான தருணமாக அமைந்ததாக கூறப்படுகிறது.

விஜய்யை சந்தித்த குஷ்பு குடும்பம்

இந்த சந்திப்பு குறித்து குஷ்பு தனது சமூக வலைதளப் பதிவில், முதல்வர் விஜய் எப்போதும் போல அன்புடனும் பாசத்துடனும் தங்களை வரவேற்றதாக தெரிவித்துள்ளார். தனது பிஸியான அரசுப் பணிகளுக்கிடையிலும் குடும்பத்தினருடன் நேரம் ஒதுக்கி சந்தித்ததற்கும், திருமணத்திற்கான வாழ்த்துகளையும் ஆசீர்வாதங்களையும் வழங்கியதற்கும் அவர் நன்றியைத் தெரிவித்துள்ளார். மேலும், முதல்வரை சந்தித்த போது குடும்பத்தின் இளம் உறுப்பினர்கள் மிகுந்த உற்சாகத்துடன் இருந்ததாகவும், அவருடன் கழித்த தருணங்கள் என்றும் நினைவில் நிற்கும் என்றும் குஷ்பு குறிப்பிட்டுள்ளார்.

ஹீரோயினான அவந்திகா

அவந்திகா தற்போது மலையாளத்தில் உருவாகி வரும் ‘ஆரம்பம்’ திரைப்படத்தின் மூலம் கதாநாயகியாக அறிமுகமாக உள்ளார். தனது முதல் படம் வெளியாகும் முன்பே அவரது திருமண செய்தி ரசிகர்களிடையே கவனத்தை ஈர்த்துள்ளது. இதற்கு முன்பாக மணமக்கள் மற்றும் குஷ்பு – சுந்தர்.சி தம்பதியினர் டெல்லியில் பிரதமர் நரேந்திர மோடியையும் நேரில் சந்தித்து திருமண அழைப்பிதழை வழங்கியிருந்தனர். அதனைத் தொடர்ந்து தற்போது முதல்வர் விஜய்யையும் சந்தித்து அழைப்பிதழ் வழங்கியிருப்பது சமூக வலைதளங்களில் பேசுபொருளாகியுள்ளது.