840 கோடிக்கு மேல் வசூலித்தும்... ‘இந்த’ மாநிலத்தில் மட்டும் படுதோல்வியை சந்தித்த காந்தாரா சாப்டர் 1..!

ரிஷப் ஷெட்டி நடிப்பில் வெளியாகி பிளாக்பஸ்டர் ஹிட்டான காந்தாரா சாப்டர் 1 திரைப்படம் ஒரே ஒரு மாநிலத்தில் மட்டும் படுதோல்வியை சந்தித்து இருக்கிறது. அதைப்பற்றி பார்க்கலாம்.

Kantara Chapter 1 Movie Loss

2025-ம் ஆண்டு அதிக எதிர்பார்ப்புகளுக்கு மத்தியில் வெளியான காந்தாரா சாப்டர் 1 திரைப்படம், ரிலீஸ் ஆன முதல் நாளிலிருந்தே பாசிட்டிவ் விமர்சனங்களைப் பெற்றது. ரிஷப் ஷெட்டி இயக்கிய இப்படம், 2022-ல் வெற்றி பெற்ற காந்தாராவின் ப்ரீக்வல் என்பதால், ஆரம்பம் முதலே அதிக எதிர்பார்ப்பு இருந்தது. காந்தாரா சாப்டர் 1 திரைப்படம் 125 கோடி பட்ஜெட்டில் தயாராகி இருந்தது. இப்படத்தில் ருக்மிணி வசந்த், ஜெயராம், குல்ஷன் தேவைய்யா என மிகப்பெரிய நட்சத்திர பட்டாளமே நடித்திருந்தது.

காந்தாரா சாப்டர் 1

காந்தாரா சாப்டர் 1-க்கு நல்ல வரவேற்பு கிடைத்தது. சில பகுதிகளில் வசூல் மழை பொழிந்தது. பிரபலங்கள் பாராட்டினர். ஆனால் சில பகுதிகளில் பாக்ஸ் ஆபிஸ் வசூல் ஏமாற்றம் அளித்தது. இதனால், விநியோகஸ்தர்கள் இறுதி வசூலைக் கணக்கிட்டுள்ளனர். வர்த்தக ஆய்வாளர்களின்படி, அப்படம் மாநில வாரியாக எவ்வளவு வசூலித்துள்ளது என்பதை பார்க்கலாம்.

காந்தாரா சாப்டர் 1 வசூல் நிலவரம்

அப்படம் தமிழ், இந்தி, மலையாளம், கன்னடம் உள்ளிட்ட மொழிகளில் சிறப்பாக வசூல் செய்தது. கர்நாடகாவில் ரூ.245 கோடி, தமிழ்நாட்டில் ரூ.71.75 கோடி, கேரளாவில் ரூ.55.68 கோடி, இந்தி மற்றும் பிற மாநிலங்களில் ரூ.251 கோடி வசூலித்தது. வெளிநாடுகளில் ரூ.110 கோடி வசூலித்தது. உலகளவில் ரூ.840 கோடி வசூலித்தாலும், தெலுங்கு விநியோகஸ்தர்களுக்கு இப்படம் பெரும் நஷ்டத்தை ஏற்படுத்தியுள்ளது.

தோல்வியடைந்தது எங்கே?

தெலுங்கு மாநிலங்களில் மொத்த ஷேர் வசூல் ரூ.66.84 கோடியாக பதிவானது. ப்ரீ-ரிலீஸ் வியாபாரம் ரூ.91 கோடி என்பதால், விநியோகஸ்தர்களுக்கு ரூ.25 கோடிக்கு மேல் நஷ்டம் ஏற்பட்டதாகக் கூறப்படுகிறது. பகுதி வாரியான வசூல் நிலவரம்: நிஜாம்: 31.65 கோடி, சீடெட்: 9.78 கோடி, உத்தராந்திரா: 9.08 கோடி, கிழக்கு கோதாவரி: 3.90 கோடி, மேற்கு கோதாவரி: 2.73 கோடி, குண்டூர்: 3.55 கோடி, கிருஷ்ணா: 4.00 கோடி, நெல்லூர்: 2.15 கோடி.