உயர உயர பறந்தாலும் ஊர்க்குருவி பருந்தாகுமா? புரோமோஷனை தொடங்கிய ஜன நாயகன் டீம்!

Jana Nayagan Promotions in Malaysia Airlines: விஜய் நடிப்பில் வெளியாக இருக்கும் ஜன நாயகன் புரோமோஷனை படக்குழுவினர் தொடங்கியுள்ளனர்.

எந்த ஒரு பெரிய நடிகர், நடிகைகளின் படங்களாக இருந்தால் தயாரிப்பு நிறுவனம் புரோமோஷனுக்கான பல விதமான யுக்திகளை கையாள்வது வழக்கம். அதில் ஒன்று தான் விமானம். இதில், பட போஸ்டர் ஒட்டி புரோமோஷன் செய்வது வழக்கம். இது மாஸ் நட்சத்திரங்களின் படங்களுக்கு மட்டுமே சாத்தியம். இதற்கு முன்னதாக ரஜினிகாந்த் உள்ளிட்ட நடிகர்களுக்கு இது போன்று படக்குழுவினர் விமானங்களில் போஸ்டர்களை ஒட்டி விளம்பரம் செய்வார்கள்.

அப்படித்தான் இப்போது கேவிஎன் நிறுவனமும் விஜய்யின் ஜன நாயகன் படத்திற்கு செய்திருக்கிறது. எப்படி என்ன செய்திருக்கிறது, எங்கு நடந்திருக்கிறது என்பது பற்றி முழுமையாக பார்க்கலாம். இயக்குநர் ஹெச் வினோத் இயக்கத்தில் விஜய் முதல் முறையாக நடித்துள்ள படம் தான் ஜன நாயகன். தெலுங்கு சினிமாவில் நடிகர் நந்தமுரி பாலகிருஷ்ணா இயக்கத்தில் வெளியான பகவந்த் கேசரி படத்தின் தமிழ் ரீமேக் தான் இந்தப் படம் என்று சொல்லப்படுகிறது.

தமிழக வெற்றிக் கழகம் என்ற அரசியல் கட்சியை விஜய் தொடங்கி 2026 சட்டமன்ற தேர்தலை எதிர்நோக்கி தனது அரசியல் பயணத்தை மேற்கொண்டு வரும் நிலையில் சினிமாவிலிருந்து விலக முடிவு செய்துள்ளார். இது அவரது கடைசி படம். தளபதி63 என்று தற்காலிகமாக டைட்டில் வைக்கப்பட்ட இந்தப் படத்திற்கு ஜன நாயகன் என்று அதிகாரப்பூர்வ டைட்டில் வைக்கப்பட்டது. இந்தப் படத்தில் விஜய் உடன் இணைந்து பூஜா ஹெக்டே, மமிதா பைஜூ, மோனிஷா பிளெஸி, பாபி தியோல், பிரகாஷ் ராஜ், கௌதம் மேனன், பிரியாமணி என்று ஏராளமான பிரபலங்கள் நடித்துள்ளனர்.

ஜன நாயகன் படம் வரும் 2026 ஜனவரி 9ஆம் தேதி பொங்கல் பண்டிகையை முன்னிட்டு திரைக்கு வருகிறது. கேவிஎன் புரோடக்‌ஷன்ஸ் நிறுவனம் தயாரித்துள்ள இந்தப் படத்திற்கு அனிருத் இசையமைத்துள்ளார். இவரது இசையில் உருவான தளபதி கச்சேரி ஏற்கனவே வெளியாகி ரசிகர்களிடையே வைப் செய்யப்பட்டது. முழுக்க முழுக்க அரசியல் மற்றும் ஆக்‌ஷன் ரெண்டும் கலந்த கலவையாக உருவாகியிருக்கும் இந்தப் படத்தில் விஜய் போலீஸ் அதிகாரியாக நடித்துள்ளார் என்று சொல்லப்படுகிறது.

ரிலீஸ் தேதி நெருங்கி வரும் நிலையில் படக்குழுவினர் ஜன நாயகன் தொடர்பாக ஒவ்வொரு அப்டேட்டாக வெளியிட்டு வருகின்றனர். தமிழகத்தில் ஜன நாயகன் இசை வெளியீடு நடந்தால் சிக்கல் ஏற்படக் கூடும் என்பதற்காக ஜன நாயகன் படத்தின் இசை வெளியீட்டு விழாவை தயாரிப்பு நிறுவனம் மலேசியாவில் நடத்துகிறது. வரும் 27ஆம் தேதி புக்கீட் ஜலீல் மைதானத்தில் இசை வெளியீட்டு விழாவை நடத்த ஏற்பாடுகள் நடைபெற்று வருகிறது.

இந்த மைதானத்தில் கிட்டத்தட்ட 85 ஆயிரம் முதல் 87 ஆயிரம் பேர் வரையில் அமர்ந்து பார்க்கும் வகையில் ஏற்பாடுகள் செய்யப்பட்டிருக்கிறது. இந்த நிலையில் தான் படத்தின் பட்ஜெட் ரூ.300 கோடி என்ற சூழலில் தற்போது வரையில் 60 ஆயிரத்திற்கும் அதிகமாக டிக்கெட்டுகள் விற்று தீர்ந்த நிலையில் இதன் மூலமாக ரூ.250 கோடிக்கும் அதிகமாக ஜன நாயகன் வருவாய் ஈட்டியுள்ளது.

அதோடு படம் வெளியாவதற்கு முன்னதாகவே ரூ.250 கோடி வசூல் குவித்த சாதனையை ஜன நாயகன் படைத்துள்ளது. இன்னும், ஸ்டேட்லைட், ஓடிடி உரிமைகள் என்று இருக்கிறது. இதையெல்லாம் வைத்து பார்க்கையில் படம் எப்படியும் ரூ.1000 கோடி வசூல் எட்டும் என்று எதிர்பார்க்கப்படுகிறது. 2026ஆம் ஆண்டில் வெளியாகும் முதல் படமே வெற்றி படமாகவும் அமையும் என்று தெரிகிறது.

இந்த நிலையில் தான் தயாரிப்பு நிறுவனம் மலேசியாவில் புரோமோஷனை தொடங்கியுள்ளது. மலேசியா ஏர்லைன்ஸ் நிறுவனத்தில் ஜன நாயகன் பட போஸ்டரை ஒட்டி விளம்பரம் செய்துள்ளது. இது தொடர்பான புகைப்படங்கள் சமூக வலைதளங்களில் வெளியாகி வருகின்றன.