நெல்சன் திலீப்குமார் இயக்கத்தில் பிரம்மாண்டமாக உருவாகி வரும் ஜெயிலர் 2 திரைப்படத்தில் பாலிவுட் நடிகர் ஒருவர் கேமியோ ரோலில் நடிக்க உள்ளாராம். அதைப்பற்றி இந்த தொகுப்பில் பார்க்கலாம்.
பாலிவுட் சூப்பர் ஸ்டார் ஷாருக்கான் தமிழ் திரையுலகில் மீண்டும் காலடி எடுத்து வைத்துள்ளார். 'ஹே ராம்' படத்தின் மூலம் தமிழ் சினிமாவில் அறிமுகமாகி இரண்டு தசாப்தங்களுக்குப் பிறகு, ஷாருக்கான் இப்போது சூப்பர் ஸ்டார் ரஜினிகாந்தின் ஜெயிலர் 2 படத்தின் ஒரு பகுதியாக இருக்கலாம் என்று வதந்திகள் பரவி வருகின்றன. ஷாருக்கான் 'ஜெயிலர் 2' படத்தில் கேமியோ ரோலில் நடிப்பார். இந்த படத்தின் முதல் பாகம் 2023-ல் வெளியானது. இதில் ரஜினிகாந்த் கதாநாயகனாக நடித்திருந்தார்.
24
'ஜெயிலர் 2' கேமியோ
இயக்குநர் லோகேஷ் கனகராஜ், அமீர் கானை 'கூலி' படத்தில் கேமியோவிற்காகத் தேர்ந்தெடுத்த சில மாதங்களுக்குப் பிறகு ஷாரூக்கானின் கேமியோ பற்றிய பேச்சு எழுந்துள்ளது. லேட்டஸ்ட் தகவல்களின்படி, ஜெயிலர் 2 படத்தின் பிரம்மாண்டத்தை அதிகரிக்க ஒரு இந்தி சூப்பர் ஸ்டாரை படக்குழு குறிவைத்துள்ளது. இதுகுறித்து இன்னும் எந்த உறுதிப்படுத்தப்பட்ட தகவலும் இல்லை. இருப்பினும், ஷாருக்கான் ரஜினிகாந்துடன் திரையைப் பகிர்ந்துகொள்ள வாய்ப்புள்ளது.
34
ஜெயிலர் 2-வில் ஷாருக்கான்
படப்பிடிப்பிற்காக ஷாரூக்கானின் பகுதி மார்ச் 2026-க்கு திட்டமிடப்பட்டுள்ளதாகவும் கூறுகின்றன. ஒரு முன்னணி பாலிவுட் நடிகர் உண்மையில் படத்தில் ஒரு முக்கிய பாத்திரத்திற்காக பரிசீலிக்கப்படுவதாக பேச்சு அடிபட்டு வந்தது. இந்த நிலையில் ஷாருக்கானின் பெயர் தற்போது உறுதி செய்யப்பட்டுள்ளது. சுவாரஸ்யமாக, ஷாருக்கான் 'கூலி' படத்திலும் ஒரு கேமியோவிற்காக அணுகப்பட்டதாகக் கூறப்படுகிறது. ஆனால், சில காரணங்களால் அவர் அந்த வாய்ப்பை நிராகரித்துவிட்டார்.
முதல் பாகத்தின் தொடர்ச்சியாக 'ஜெயிலர் 2' படக்கதை இருக்கும் என்று கூறப்படுகிறது, இதில் முத்துவேல் பாண்டியன் பழிவாங்குவதற்காக சிலை கடத்தல் கும்பலுடன் மோதுகிறார். இந்த புதிய நெட்வொர்க்கின் தேடலை இந்த படம் காட்டும் என்று கூறப்படுகிறது. ஷாருக்கானைப் பொறுத்தவரை, அவர் தற்போது 'கிங்' படத்தின் படப்பிடிப்பில் பிஸியாக இருக்கிறார். இந்தப் படத்தில் அவரது மகள் சுஹானா கானும் முக்கிய வேடத்தில் நடிக்கிறார். ஷாருக்கான் மற்றும் சுஹானாவுடன் தீபிகா படுகோன், ராணி முகர்ஜி, அபிஷேக் பச்சன், ராகவ் ஜுயல், அனில் கபூர், அர்ஷத் வர்சி மற்றும் ஜாக்கி ஷெராஃப் ஆகியோர் முக்கிய வேடங்களில் நடிக்கிறார்கள்.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
