ஜேம்ஸ் கேமரூன் இயக்கத்தில் கடந்த 2009-ம் ஆண்டு ரிலீசான அவதார் திரைப்படம் உலக சினிமா ரசிகர்களை வியப்பில் ஆழ்த்தியது. கர்ப்பனையின் உச்சமாக பார்க்கப்பட்ட இப்படத்தின் இரண்டாம் பாகம் கடந்த டிசம்பர் 16-ந் தேதி உலகம் முழுவதும் பிரம்மாண்டமாக ரிலீசானது. முதல் பாகம் வெளியாகி 13 ஆண்டுகளுக்கு பின் அதன் இரண்டாம் பாகம் ரிலீஸ் ஆனதால் இப்படத்தின் மீதான எதிர்பார்ப்பும் எக்கச்சக்கமாக இருந்தது.
இப்படம் வெளியாகிய மூன்று நாட்களில் இந்தியாவில் மட்டும் ரூ.133 கோடி வசூலித்து உள்ளது. இதில் விடுமுறை தினமான நேற்று மட்டும் இப்படம் ரூ.50 கோடியை வசூலித்து இருக்கிறது. அதேபோல் உலகளவில் இப்படம் மூன்று நாட்களில் ரூ.3 ஆயிரத்து 598 கோடி வசூலித்துள்ளதாக கூறப்படுகிறது. இப்படி அவதார் 2 படத்தின் வசூல் நாளுக்கு நாள் அதிகரித்து வருவதால் இப்படம் விரைவில் அவதார் முதல் பாகத்தின் வசூலை முறியடித்துவிடும் என எதிர்பார்க்கப்படுகிறது.