சரவணபவன் உரிமையாளர் ராஜகோபாலன் குறித்து அவதூறு பரப்பும் விதமாக படம் எடுத்தால் சட்டரீதியான நடவடிக்கை எடுக்கப்படும் என அவரது வழக்கறிஞர் கணேசன் அதிரடியாக எச்சரிக்கை விடுத்துள்ளார்.
சமீபத்தில் சூர்யா நடிப்பில் வெளியான ஜெய்பீம் படம் உலகளவில் வரவேற்பை பெற்றது. அதே அளவு சிக்கல்களையும் சந்தித்தது. படத்தில் இடம்பெற்றிருந்த காலண்டர் அட்டை படம் சாதி சார்ந்த அடையாளமாக குறிப்பிட்டு சர்ச்சைகளை கிளம்பினார்கள். பின்னர் அந்த காட்சிகளை மாற்றி அமைத்திருந்தார் இயக்குனர் டி.ஜே ஞானவேல்.
இந்நிலைகள் மீண்டும் ஒரு சிக்கலான விஷயத்தை கையில் எடுத்துள்ளார் ஞானவேல். ஜெய்பீம் படத்தில் லாக்கப் டெத் என்னும் உண்மை சம்பவத்தை படமாக்கி பாராட்டுகளைப் பெற்ற இவர் தற்போது சரவணபவன் உரிமையாளர் ராஜகோபால் குறித்த கதைக்களத்தில் கையில் எடுத்துள்ளார்.
தென்னிந்தியாவின் மிகப்பெரிய சைவ உணவுகளில் ஒன்றாக கருதப்பட்ட சரவணபவன் உரிமையாளர் ராஜகோபால் மித்துக்கொள்ள வழக்கு பதிவு செய்யப்பட்டிருந்தது. இவர் மீது ஜீவஜோதி என்பவர் தனது கணவரை கொலை செய்து விட்டதாக கொடுக்கப்பட்ட புகார் சுமார் 18 ஆண்டுகளாக நடைபெற்றது. தோசா கிங் என ;அழைக்கப்பட்ட ராஜகோபால் ஏற்கனவே இரு முறை திருமணமானவர் அவருக்கு மூன்று பிள்ளைகள் உள்ளனர். இந்நிலையில் ஜீவஜோதி என்பவரை மூன்றாவது முறையாக திருமணம் செய்ய ராஜகோபால் முயன்றதாக கூறப்படுகிறது.
மேலும் செய்திகளுக்கு...தளபதி விஜய்யின் 'வாரிசு' படத்தில் எஸ்.ஜே.சூர்யா.. என்ன ரோலில் தெரியுமா?
அதுவும் அந்த பெண்ணை மூன்றாவது திருமணம் செய்தால் விவிஐபியாக வாழ்நாள் முழுவதும் இருக்கலாம் என ஜோசியர் சொன்னதால் இந்த விபரீத முடிவிற்கு சரவணபவன் உரிமையாளர் வந்ததாகவும் கூறப்படுகிறது. ஆனால் ஜிவாஜோதி இவரை திருமணம் செய்து கொள்ள முடியாது என மறுத்ததோடு பிரின்ஸ் சாந்தகுமார் என்பவரை காதலித்து திருமணம் செய்து கொண்டனர்.
இதனால் கடுப்பான ராஜகோபால் பிரின்ஸ் சாந்தகுமாரை ஆள் வைத்து கடத்தி கொலை செய்து விட்டதாகத்தான் வழக்கு. இந்த வழக்கை ஜீவாஜோதி கடந்த 2001-ம் ஆண்டு தொடுத்தார். பின்னர் பூந்தமல்லி சிறப்பு நீதிமன்றம் 2004 ஆம் ஆண்டு இந்த வழக்கின் தீர்ப்பு வழங்கியது. அதில் ராஜகோபாலுக்கு மட்டும் பத்து ஆண்டுகள் சிறை தண்டனை மற்றும் உடந்தையாக இருந் ஐந்து பேருக்கும் ஒன்பது ஆண்டு சிறை தண்டனை விதிக்கப்பட்டது.
மேலும் செய்திகளுக்கு...'தி மெட்ராஸ் மர்டர்' வெப் தொடரில் இணைந்த பிரபல இயக்குனர் ஏ.எல்.விஜய்..
இந்த தீர்ப்பை ஏற்க மறுத்த ராஜகோபால் உயர்நீதிமன்றத்தில் மேல்முறையீடு செய்ய அங்கு இவருக்கு ஆயுள் தண்டனை கொடுக்கப்பட்டது. மீண்டும் உச்ச நீதிமன்றத்திற்கு சென்ற இவருக்கு கடந்த 2019-ம் ஆண்டு உயர் நீதிமன்றம் கொடுத்த தீர்ப்பை உறுதி செய்தது சுப்ரிம்கோர்ட்.அதோடு ஜூலை 7-ம் தேதிக்குள் கோர்ட்டில் ஆஜராக வேண்டும் என்றும் உத்தரவிடப்பட்டு இருந்தது. ஆனால் உடல்நிலை சரியில்லாத காரணத்தால் ராஜகோபால் கோர்ட்டிற்கு வர இயலாது என மனு தாக்கல் செய்ய அந்த மனுவை நிராகரித்தது உயர் நீதிமன்றம்.
பின்னர் சுயநினைவின்றி உயர்நிதிமன்றம் வந்த ராஜகோபால் ஜூலை 18ஆம் தேதி உடல்நலக்குறைவால் காலமானார். 18 ஆண்டுகளாக நடைபெற்று வந்த இந்த வழக்கு இறுதி வரை சரவணபவன் உரிமையாளர் தண்டனை அனுபவிக்கவே இல்லை. இந்த கதையை பின்னணியாக வைத்தே தோசா கிங் படத்தை இயக்கவுள்ளதாகவும், இதற்கு ஜிவாஜோதியிடம் அனுமதி பெற்று விட்டதாகவும் இயக்குனர் ஞானவேல் அறிவித்தார்.
மேலும் செய்திகளுக்கு...'காசுக்காக நடிக்க வந்தேன்’..சினிமா பயணம் குறித்து சூர்யாவின் உருக்கமான பேட்டி!
இந்நிலையில் சரவணபவன் உரிமையாளர் ராஜகோபாலன் குறித்து அவதூறு பரப்பும் விதமாக படம் எடுத்தால் சட்டரீதியான நடவடிக்கை எடுக்கப்படும் என அவரது வழக்கறிஞர் கணேசன் அதிரடியாக எச்சரிக்கை விடுத்துள்ளார்.
சேனலை கிளிக் செய்து பின்தொடரவும்