நடிகை தமன்னாவுக்கு ராம்சரண் மனைவி உபாசனா உலகின் 5-வது பெரிய வைரத்தை பரிசாக வழங்கியதாக தகவல் பரவி வந்த நிலையில் அது குறித்த உண்மை தெரியவந்துள்ளது.
ரசிகர்களால் மில்க் பியூட்டி என செல்லமாக அழைக்கப்படுபவர் தமன்னா. இதுவரை தமிழில் அஜித், விஜய், சூர்யா போன்ற முன்னணி நடிகர்களுடன் நடித்துள்ள இவர், தற்போது முதன்முறையாக ரஜினியுடன் இணைந்து ஜெயிலர் திரைப்படத்தில் நடித்திருக்கிறார். இப்படம் வருகிற ஆகஸ்ட் 10-ந் தேதி திரைக்கு வர உள்ளது. அப்படத்திற்காக தமன்னா ஆடிய காவாலா டான்ஸ் பட்டிதொட்டியெங்கும் பட்டைய கிளப்பி வருகிறது. இன்ஸ்டாகிராம் ரீல்ஸ்களிலும் அவை ஆக்கிரமித்து உள்ளன.
காவாலா டான்ஸ் போல் கடந்த சில தினங்களாக தமன்னா பற்றி வைரலாக பரவிய மற்றொரு தகவல் என்னவென்றால், அவரிடம் தான் உலகின் 5-வது பெரிய வைரல் உள்ளது என்பது தான். அதுவும் அந்த வைரத்தை அவர் சைரா நரசிம்மா ரெட்டி படத்தில் நடித்தபோது அப்படத்தின் தயாரிப்பாளரான ராம்சரணின் மனைவி உபாசனா, தமன்னாவுக்கு பரிசாக வழங்கியதாகவும் அதன் மதிப்பு ரூ.2 கோடி இருக்கும் என்றெல்லாம் செய்திகள் உலாவின.
இதையும் படியுங்கள்... குடிச்சிட்டு வண்டி ஓட்டக்கூடாது... நடுரோட்டில் சிவாங்கியை மடக்கிப்பிடித்து மன்னிப்பு கேட்க வைத்த கூல் சுரேஷ்
ஆனால் தற்போது அதுகுறித்த உண்மை தெரியவந்துள்ளது. தமன்னாவுக்கு உபாசனா பரிசளித்தது வைரமே இல்லையாம். அது வைர டிசைன் கொண்ட பாட்டில் ஓப்பனராம். இதன்மூலம் தமன்னாவிடம் இருப்பது உலகின் 5-வது பெரிய வைரம் இல்லை என்பது உறுதியாகி உள்ளது. இதனை அறிந்த நெட்டிசன்கள் டம்மி பாவா அது என கமெண்ட் செய்து கிண்டலடித்து வருகின்றனர்.
நடிகை தமன்னா நடித்துள்ள ஜெயிலர் பட ரிலீஸ் நெருங்கி வருவதால் அப்படத்திற்கான புரமோஷன் பணிகளும் விரைவில் தொடங்க உள்ளன. இப்படத்தின் பிரம்மாண்டமான இசைவெளியீட்டு விழா வருகிற ஜூலை 28-ந் தேதி சென்னையில் உள்ள நேரு உள்விளையாட்டு அரங்கில் நடைபெற உள்ளது. இதில் நடிகை தமன்னாவும் கலந்துகொள்ள உள்ளார் என்பது குறிப்பிடத்தக்கது.
இதையும் படியுங்கள்... விடாமுயற்சியை விடுங்க... சத்தமில்லாம தயாராகும் அஜித்தின் இன்னொரு படம் - அடிக்கடி ஃபாரின் விசிட் இதற்குத்தானா?
சேனலை கிளிக் செய்து பின்தொடரவும்