Jana Nayagan : ஜனநாயகன் விஜய்யின் கடைசி படம் அல்ல! – அவரே சொல்லிட்டாரா?

Jana Nayagan : தளபதி விஜய் நடிப்பில் உலகமெங்கும் மிகப்பெரிய எதிர்பார்ப்புகளுக்கு இடையில் வெளியாகவிருக்கும் 'ஜனநாயகன்' திரைப்படம் குறித்த இயக்குநரின் புதிய கருத்து தற்போது சினிமா மற்றும் அரசியல் வட்டாரத்தில் பெரும் பேசுபொருளாகியுள்ளது.

இது முதல்வரின் முதல் படம்

சினிமா வட்டாரங்களில் 'ஜனநாயகன்' தான் விஜய்யின் கடைசிப் படம் என்று பரவலாகப் பேசப்பட்டு வரும் நிலையில், அதுகுறித்த தனது அதிரடியான பார்வையைப் பதிவு செய்துள்ளார் வினோத். இது குறித்து அவர் கூறுகையில், "இது விஜய்யின் கடைசிப் படமா இல்லையா என்பதை உறுதியாக யாராலும் சொல்ல முடியாது. ஆனால், இது சிஎம் (CM) விஜய் அவர்களின் முதல் படம் என்று வேண்டுமானால் சொல்லலாம்" எனக் குறிப்பிட்டுள்ளார்.

அரசியல் கதையும், மற்ற நடிகர்களின் தயக்கமும்!

இப்படம் வெறும் கமர்ஷியல் பொழுதுபோக்கு படம் மட்டுமல்ல என்றும், மிகவும் சென்சிடிவ்வான மற்றும் ஆழமான அரசியல் பேசும் படம் என்றும் இயக்குநர் தெரிவித்துள்ளார். இந்தச் சுவாரஸ்யமான கதையை விஜய்யை அணுகுவதற்கு முன்பு வேறு சில முன்னணி நடிகர்களிடம் கூறியதாகவும், ஆனால் அந்த நடிகர்களுக்கு அத்தகைய வலுவான அரசியல் கதையில் நடிக்கும் துணிவு இல்லை என்பதால் அது கைமாறி இறுதியாக விஜய்யிடம் வந்து சேர்ந்ததாகவும் அவர் வெளிப்படையாகத் தெரிவித்தார்.

நவீனப் போர்முறையும் ஆழமான உள்ளடக்கமும்

இப்படத்தில் இடம்பெறும் மோதல்கள் மற்றும் அரசியலை வெறும் மேலோட்டமாகப் பார்க்க முடியாது என்றும், உக்ரைன் - ஈரான் யுத்த காலங்களில் நாம் காணும் 'நவீனப் போர்முறை' (Modern Warfare) மற்றும் தற்கால அரசியல் சூழல்களின் தாக்கம் இதில் நுணுக்கமாக அலசப்பட்டுள்ளதாகவும் வினோத் கூறியுள்ளார். இப்படத்தின் சில முக்கியமான பகுதிகள் பற்றி மக்கள் பல காலம் விவாதிப்பார்கள் என்றும், இது ஒரு சாதாரண படமல்ல மாற சினிமா ரசிகர்களுக்கு ஒரு 'கேஸ் ஸ்டடி' ஆக இருக்கும் என்றும் அவர் நம்பிக்கை தெரிவித்தார்.

குழந்தைகள் அதிகம் விரும்பும் விஜய்யின் படத்திற்கு 'ஏ' (A) சான்றிதழ் கிடைத்தது தனக்குச் சற்று வருத்தம் தருவதாகக் குறிப்பிட்டாலும், 'சூது கவ்வும்' படம் போல பத்தாண்டுகள் கடந்தாலும் இப்படத்தின் தாக்கம் என்றும் நிலைத்து நிற்கும் என்று வினோத் கூறினார்.

பூஜா ஹெக்டே, பாபி தியோல், மமிதா பைஜூ, கௌதம் வாசுதேவ் மேனன், பிரகாஷ் ராஜ் எனப் பல நட்சத்திரங்கள் இணைந்து நடித்துள்ள 'ஜனநாயகன்' திரைப்படம் குறித்த இந்த புதிய கோணம் ரசிகர்களிடையேயும் அரசியல் பார்வையாளர்களிடையேயும் பெரும் எதிர்பார்ப்பை ஏற்படுத்தியுள்ளது.