Kanguva : லீக்கான டாப் சீக்ரெட்... சூர்யாவின் கங்குவா படத்தில் கார்த்தி வில்லனா? இது நம்ம லிஸ்ட்லயே இல்லையே!

சிறுத்தை சிவா இயக்கத்தில் சூர்யா நடித்துள்ள கங்குவா திரைப்படத்தில் நடிகர் கார்த்தியின் சீக்ரெட் கதாபாத்திரம் குறித்த அப்டேட் கசிந்துள்ளது.

Kanguva

நடிகர் சூர்யாவின் கெரியரில் மிகப்பெரிய பட்ஜெட்டில் உருவாகி வரும் திரைப்படம் கங்குவா. சிறுத்தை சிவா இயக்கும் இப்படம் இரண்டு பாகங்களாக உருவாகி வருகிறது. அப்படத்தின் முதல் பாகம் ஷூட்டிங் முடிந்து ரிலீசுக்கு தயாராகிறது. கங்குவா திரைப்படத்தை ஸ்டூடியோ கிரீன் நிறுவனம் சார்பில் ஞானவேல் ராஜா தயாரிக்கிறார். அப்படத்திற்கு வெற்றி ஒளிப்பதிவு செய்திருக்கிறார். இசையமைப்பாளராக தேவி ஸ்ரீ பிரசாத் பணியாற்றி இருக்கிறார்.

kanguva suriya

கங்குவா பான் இந்தியா திரைப்படமாக தயாராகி உள்ளது. மொத்தம் 10 மொழிகளில் கங்குவா திரைப்படம் வெளியிடப்பட உள்ளது. அதுமட்டுமின்றி முழுக்க முழுக்க இப்படத்தை 3டி-யில் படமாக்கி உள்ளனர். கங்குவா திரைப்படத்தில் நடிகர் சூர்யாவுக்கு ஜோடியாக திஷா பதானி நடித்துள்ளார். மேலும் வில்லனாக பாபி தியோல் நடித்துள்ள இப்படம் வருகிற அக்டோபர் மாதம் 10ந் தேதி ஆயுத பூஜை விடுமுறையில் உலகமெங்கும் ரிலீஸ் ஆக உள்ளது.

இதையும் படியுங்கள்... 'தங்கலான்' இரண்டாவது சிங்கிள் அப்டேட்டுடன்... ஆடியோ லான்ச் தேதியை அறிவித்த தயாரிப்பு நிறுவனம்!

Suriya, karthi

கங்குவா படத்தின் இறுதிக்கட்ட பணிகள் தற்போது விறுவிறுப்பாக நடைபெற்று வருகிறது. பேண்டஸி கதையம்சம் கொண்ட வரலாற்று திரைப்படமான இது நடிகர் சூர்யாவின் கெரியரில் மிக முக்கிய படமாக இருக்கும் என்றும் கூறப்படுகிறது. இப்படம் பற்றிய அப்டேட்டுகளும் வரிசையாக வெளிவந்த வண்ணம் உள்ளன. அப்படி லேட்டஸ்டாக வெளியான ஒரு ஹாட் அப்டேட் தான், நடிகர் கார்த்தி கங்குவா படத்தில் நடிக்கும் விஷயம்.

Bobby Deol

இந்த நிலையில், கார்த்தி கங்குவா படத்தில் என்ன கேரக்டரில் நடிக்கிறார் என்கிற தகவலும் தற்போது கசிந்துள்ளது. அவர் வில்லன் பாபி தியோலின் மகனாக நடித்திருப்பதாக கூறப்படுகிறது. அதுவும் இரண்டாவது மனைவிக்கு பிறந்த மகனாக நடித்திருக்கிறார். இதனால், கார்த்தி கங்குவா படத்தில் சூர்யாவுக்கு வில்லனாக நடித்திருக்க அதிகம் வாய்ப்பு இருப்பதாக தெரிகிறது. முதல் பாகத்தின் கிளைமாக்ஸில் தான் கார்த்தி வரும் காட்சிகள் இடம்பெறும் என்றும் கூறப்படுகிறது.

இதையும் படியுங்கள்... Vijay: ஆசை ஆசையாக வாங்கிய நடிகர் விஜய்யின் ரோல்ஸ் ராய்ஸ் கார் விற்பனைக்கு; விலை தெரியுமா?