இந்திய சினிமாவின் டாப் 10 பணக்கார ஹீரோஸ்; 5,400 கோடிக்கு அதிபதியாக முதலிடத்தில் இருப்பது யார் தெரியமா?

இந்திய சினிமாவில் 100 கோடிக்கு மேல் சம்பளம் வாங்கி வரும் டாப் 10 நடிகர்கள் யார் அவர்களின் சொத்து மதிப்பு எவ்வளவு என்பதை இந்த பதிவில் பார்க்கலாம்.  

Yash:

கன்னட நடிகரான, ராக்கிங் ஸ்டார் யாஷ், நடிகராவதற்கு முன்பே மிகவும் வசதியான குடும்பத்தை சேர்ந்தவர். மேலும் இவர் நடிப்பின் மீது வைத்திருந்த அர்ப்பணிப்பும் இவரை குறுகிய காலத்தில் முன்னணி இடத்திற்கு கொண்டு வந்தது. KGF சேப்டர் 1, மற்றும் KGF சேப்டர் 2 படத்திற்கு பின்னர் பான் இந்தியா பிரபலமாக அறியப்படும் இவர், தற்போது 'டாக்சிக்' என்கிற படத்தில் நடித்து வருகிறார். இந்த படத்தில் நயன்தாரா யாஷ் அக்கா கதாபாத்திரத்தில் நடிக்கிறார். இந்த திரைப்படம் ரசிகர்கள் மத்தியில் மிகப்பெரிய எதிர்பார்ப்பை தூண்டியுள்ளது. இந்த படத்தில் நடிக்க 120 கோடிக்கு மேல் யாஷ் சம்பளமாக பெற்றுள்ளதாக கூறப்படும் நிலையில், இவர் மிகவும் பணக்கார ஹீரோ என்கிற லிஸ்டில் 10-ஆவது இடத்தை  பிடித்துள்ளார். இவரது நிகர சொத்து மதிப்பு ரூ.1,578 கோடி என கூறப்படுகிறது.

Thalapathy Vijay

'கோட்' பட நாயகனும் வருங்கால தமிழக அரசியல் ஆளுமையான தளபதி விஜய், தற்போது தன்னுடைய படம் ஒன்றிற்கு 200 கோடி சம்பளம் பெரும் நடிகராக உள்ளார். இவர் அதிக சம்பளம் வாங்கும் நடிகர்களின் முதலிடத்தில் உள்ள நிலையில்.. அதிக சொத்து வைத்திருக்கும் இந்திய நடிகர்கள் பட்டியலில் 9-ஆவது இடத்தை பிடித்துள்ளார். விஜய்யின் நிகர சொத்து மதிப்பு ரூ.1,842 கோடி இருக்கும் என கூறப்படுகிறது.

Ranbir kapoor

இவரை தொடர்ந்து, பாலிவுட் திரையுலகின் சாக்லேட் பாய், பிளே பாய் என்று பெண் ரசிகர்களால் வர்ணிப்படும் ரன்பீர் கபூர் 8-ஆவது இடத்தில் உள்ளார் உள்ளார். இவரது சொத்து மதிப்பு ரூ.1,866 கோடி இருக்கும் என மதிப்பிடப்பட்டுள்ளது. இவர், நடிப்பில் கடந்த ஆண்டு வெளியான 'அனிமல்' திரைப்படம் ஒரு தரப்பினர் மத்தியில் நல்ல வரவேற்பை பெற்ற போதிலும், மற்றொரு தரப்பினர் மத்தியில் மோசமான விமர்சனங்களுக்கு ஆளாது. இந்த படத்தில் ரன்பீருக்கு ஜோடியாக ராஷ்மிகா மந்தனா படுக்கையறை காட்சி முதல்கொண்டு நடித்து பரபரப்பை ஏற்படுத்தினார்.  தற்போது தன்னுடைய அடுத்தடுத்த படங்களில் கவனம் செலுத்தி வருகிறார் ரன்பீர் கபூர்.

Ram Charan

ரன்பீரை தொடர்ந்து 7-ஆவது இடத்தை பிடித்துள்ளார் டோலிவுட்டின் மெகா பவர் ஸ்டார் ராம் சரண். தந்தை சிரஞ்சீவிக்கு நிகராக இன்று ஒரு படத்திற்கு ரூபாய் 100 கோடி சம்பளம் வாங்கும் ராம் சரணின்... நிகர சொத்து மதிப்பு ரூ.1,971 கோடி இருக்கும் என மதிப்பிடப்பட்டுள்ளது. RRR திரைப்படத்தின் மூலம் உலக அளவில் பிரபலமான ராம் சரண் தற்போது இயக்குனர் ஷங்கர் இயக்கத்தில் 'கேம் சேஞ்சர்' என்கிற படத்தில் நடித்துள்ளார். இப்படம் விரைவில் திரைக்கு வர உள்ளது குறிப்பிடத்தக்கது .

Junior NTR

இவரை தொடர்ந்து, மற்றொரு டோலிவுட் பட நடிகரான பான் இந்தியா ஸ்டார் 'ஜூனியர் NTR' 6-ஆவது உள்ளார். இவரின் சொத்து மதிப்பு ரூபாய் 1,981 கோடி இருக்கும் என கூறப்படுகிறது. RRR பட வெற்றிக்கு பின்னர் தனித்துவமான கதைக்களத்தை தேர்வு செய்து நடித்து வரும், ஜூனியர் NTR.. இயக்குனர் கொரட்டலா சிவா இயக்கத்தில், நடித்து முடித்துள்ள திரைப்படம் 'தேவாரா' இந்த படத்தில் ஜான்வி கபூர் இவருக்கு ஜோடியாக நடித்துள்ளார். இப்படம் கூடிய விரைவில் வெளியாக உள்ளது. 

Super Star Rajinikanth

ஒரு படத்திற்கு ரூபாய் 150 கோடி சம்பளம் பெரும்... தமிழ் திரையுலகின் சூப்பர் ஸ்டார், ரஜினிகாந்த்  அதிக சொத்து வைத்திருக்கும் நடிகர்கள் பட்டியலில் 5வது இடத்தை பிடித்துள்ளார். இவரது நிகர சொத்து மதிப்பு ரூ.2,680 கோடி இருக்கும் என மதிப்பிடப்பட்டுள்ளது. தற்போது வேட்டையன் படத்தில் ரஜினிகாந்த் நடித்து முடித்துள்ள நிலையில், இந்த படம் அடுத்த மாதம் வெளியாக உள்ளது. இதை தவிர இயக்குனர் லோகேஷ் கனகராஜ் இயக்கத்தில், 'கூலி' என்கிற படத்திலும் நடித்து முடித்துள்ளார்.

Salman Khan

இவருக்கு அடுத்தபடியாக... பாலிவுட் நடிகர் சல்மான் கான் உள்ளார். இவர் சமீப காலமாக நடிக்கும் படங்கள் பெரிதாக வெற்றிபெறவில்லை என்றாலும், சம்பள விஷயத்தில் மட்டும் கறார் காட்டுகிறார் என கூறப்படுகிறது. அதன்படி தான் நடிக்கும் ஒரு படத்திற்கு, ரூபாய் 125 கோடி வாங்குகிறார். அதிக வருமானம் கொண்ட நடிகர்கள் பட்டியலில் 4வது இடத்தில் உள்ள இவர். சினிமாக்களைத் தவிர, சின்னத்திரை ரியாலிட்டி நிகழ்ச்சிகளை ஷோக்களை தொகுத்து வழங்குவதன் மூலமாகவும் சுமார் 300 கோடிக்கு மேல் கல்லா கட்டுகிறார். அந்த வகையில்  சல்மான் கானின் நிகர சொத்து மதிப்பு ரூ.3,508 கோடி இருக்கும் என மதிப்பிடப்பட்டுள்ளது. சல்மான் கான் தற்போது நடித்து வரும் படத்தில் அவருக்கு ஜோடியாக அனிமல் பட நாயகி ராஷ்மிகா மந்தனா நடித்து வருகிறார்.

கடந்த 36 ஆண்டுகளாக ஹிந்தி மொழியில் டாப் நடிகராக வலம்வரும் நடிகர் சல்மான் கான் பல சர்ச்சைகளில் சிக்கியவர் என்பது நாம் அறிந்ததே. ஆனாலும் இன்றளவும் பாலிவுட் உலகில் டாப் நடிகராக வலம்வருபவர்களில் அவரும் ஒருவர். இறுதியாக கடந்த 2023ம் ஆண்டு அவர் நடிப்பில் "டைகர்" என்ற படம் வெளியானது. இந்த ஆண்டு எந்த படமும் இதுவரை அவர் நடிப்பில் வெளியாகவில்லை என்றாலும் இப்பொது சிக்கந்தர் என்ற படத்தில் பிசியாக அவர் நடித்து வருகின்றார். 

ஒரு படத்துக்கு சுமார் 100 கோடி வரை சம்பளம் பெரும் டாப் நடிகரான சல்மான் கான், அவர் நடிக்கும் விளம்பர படங்களுக்கு சுமார் 6 முதல் 8 கோடி வரை சம்பளமாக பெருகிறாராம். அதுமட்டுமல்ல சல்மான் கான் வரியாக மட்டும் சுமார் 75 கோடி ரூபாய் கட்டுவதாக சில தகவல்கள் தெரிவிக்கின்றது.

Amir Khan

பாலிவுட்டின் மிஸ்டர் பெர்ஃபெக்ட் என கூறப்படும் நடிகர் ஆமீர் கான் ஆண்டுக்கு ஒரு படம் மட்டுமே நடிப்படத்தை வழக்கமாக வைத்துள்ளார். சமீப காலமாக ஆமீர் கானின் படங்கள் பெரிய அளவில் வசூல் சாதனை படைக்கவில்லை என்றாலும்... அதிக வருமானம் கொண்ட நடிகர்கள் பட்டியலில் ஆமீர் கான் 3வது இடத்தில் உள்ளார்.  ஆமீர் கானின் நிகர சொத்து மதிப்பு ரூ.3,980 கோடி இருக்கும் என மதிப்பிடப்பட்டுள்ளது.

Shah Rukh Khan

பாலிவுட்டின் பாட்ஷா ஷாருக்கான், அதிக வருமானம் கொண்ட நடிகர்கள் பட்டியலில் 2வது இடத்தில் உள்ளார். இவருடைய சொத்து மதிப்பு குறித்து வெளியான தகவலின்படி, ரூ.4,100 கோடி இருக்கும் என கூறப்படுகிறது. கடந்த ஆண்டு ஷாருக்கான் நடிப்பில் வெளியான பதான் மற்றும் ஷாருக்கான் தயாரித்து, இயக்குனர் அட்லீ இயக்கத்தில் நடித்த ஜவான் ஆகிய இரண்டு படங்களுமே 1000 கோடி வசூல் கிளப்பில் இணைந்தது குறிப்பிடத்தக்கது.

Prabhas:

அதிக சொத்துக்கு அதிபதி என்கிற பெயருடன் முதல் இடத்தில் உள்ள அந்த நடிகர் யார் தெரியமா? பாகுபலி படத்திற்குப் பிறகு பான் இந்தியா நட்சத்திரமாக இருக்கும் நடிகர் பிரபாஸ் தான். நாடு முழுவதும் ஏராளமான ரசிகர்களைக் கொண்டுள்ள இவரின் நிகர சொத்து மதிப்பு, ரூபாய் 5,400 கோடி என கூறப்படுகிறது. இவர் நடிப்பில் சமீபத்தில் வெளியான கல்கி 2898 AD திரைப்படம் பாகுபலி படத்திற்கு பின்னர், மிகப்பெரிய பிரேக் கொடுத்த படமாக அமைந்தது. இந்த தகவல் வெளியாகி ரசிகர்களை ஆச்சர்யத்தில் ஆழ்த்தியுள்ளது.